金子半之助 (利東街)

營業中

休息中

朋友仔考完曬試，我地決定去間位於氣氛浪漫的利東街的 一間日式天婦羅餐廳- 金子半之助 食啲好嘢慶祝慶祝😆😋哩間餐廳我之前已經聽朋友介紹過 主要都係話佢嘅天婦羅好食😋 所以我哋必點一個叫做燒三文魚天婦羅御膳 因為我地都好鐘意食三文魚～ 果然同朋友講的一樣 炸物外層微微金黃色，炸到非常香脆 食落唔會好厚一咬就食到入面香軟三文魚的油香🤤 不過我哋怕熱氣，所以冇叫晒全部都係炸野 仲叫左招牌的半之助沙律 刺身拼盤 同埋 海老壽司卷!!沙律份量好夠 有啲柚子香嘅醋味 朋友話好開胃好鐘意 食左好多😂 刺身方面我都覺得好新鮮 另外炸海老壽司卷相比起 三文魚天婦羅，我覺得冇咁特別但都好食～係港島活躍開的我又多左一間好食日式餐廳選擇啦😆