大一海鮮火鍋料理 (已搬遷) 新店位置

黎到啲個凍冰冰嘅天氣當然要食啲熱辣辣嘅野暖下身，今日就去左尖沙咀寶勒巷嘅大一海鮮火鍋料理DAIICHIHOTPOT打個邊爐喇。我自己真心要特別推介下個湯底：金湯腿翅鍋真係唔好好飲，湯底足料，又夠入味，完全超越左一個湯底啲個level！我地開始時係飲左一碗個雞翅湯先，有翅又有雞件，好好飲！之後再加湯打邊爐都仲keep到雞湯味。如果淨係個金湯腿翅鍋嘅為食指數，我比8分。(因為我好中意雞湯味）另一個湯底係大一花甲皇蟹鍋入面有超多黑胡椒，個人呢就覺得比較辣，唔係好食嘅辣。不過湯底都足料嘅，有唔少花甲仲有蟹添。火鍋料我地就叫左手切安格斯肥牛，肥瘦岩岩好啲雪花好靚仔，而且肉味好濃。另外黑松露帶子餃都推介，值得一試！除左打邊爐之外，仲有極上魚生拼盤 架，不過不失喇。