銀咖哩 (已結業)

今日落街行，見到寶怡樓下萬寧搬左以後，終於裝修完，一間舖分開左三間，７５９、美心西餅和銀咖哩。其實銀咖哩有Ｄ情意結，自從佢日本人老闆在九龍城第一間，到深水埗西九上面開分店，我都成日食。好鐘意佢果種改良過既港式日本咖哩，甜甜地好好送飯，另外佢枱面上有日本酸甜蓮藕，好好送飯，每次除左個飯之外，我都好鐘意食一大匙，有時係為左佢而叫個飯，想慳慳地叫個銀咖哩飯（＄２０蚊），再加蓮藕就夠，哈哈。吉列豬扒飯：咖哩味十年不變，都好好味，不過豬扒方面就薄過幾前好多，係咪縮減成本呢？有Ｄ失望，不過整體方面都合格。薯角：新鮮炸外面好脆口，入面啖啖薯肉，有茄汁提供，飯加９蚊有汔水和薯角了。橙汁：汔水方面係美蓮達，平時飲開芬達，覺得無乜分別。