金牌小龍 (已結業)

聽日準備岀發台北勁食勁玩，臨行前想食上海野，所以近近地去咗I square搵食，連接住地鐵站絕對係佢嘅一大優勢！前菜係上海菜嘅一大賣點，份量適中絕對係開胃嘅必定之選。醉雞酒香撲鼻、雞件嫩滑可口，啖啖肉冇骨食落口感紮實。雜錦豆乾絲有海帶、豆腐乾、木耳等調配，每一樣配料都各司其職，無論口感同味道上都冇得彈！萵筍含有豐富鉀和鈣，作為eat clean之友就梗係要叫黎試下啦。雖然調味簡單，但食得出非常新鮮。炸排骨即點即製，所以上枱之時仲係熱辣辣，揸得香脆，調味亦都唔會太鹹，小小孜然粉味令整體更惹味，好食到停唔到🤪麻辣金錢肚係另一道開胃前菜，金錢肚好索味，辣得過癮，最重要係金錢肚唔會好難咬開，一啖一滋味😋雞絲粉皮，店員知我花生敏感好貼心咁將醬汁另上，雞絲同粉皮比例適中，我發現自己真係好鍾意食前菜🤣蟹黃小籠包絕對係可以成為呢度嘅招牌菜，價錢非常貼地，但內涵絕對唔孤寒，香濃嘅蟹香味配合蟹肉絲，估佢唔到咁足料。香菇花素蒸餃亦都有驚喜，外皮唔會太厚，賣相非常精緻，菇味濃郁、蔬菜亦都新鮮切得夠細，真係想一整隻擺落口慢慢嘆🙌🏻已份量同價錢來講，呢度嘅性價比真係無得輸。味道亦都係水準之上，地點非常就腳，可能因