影片
更多
2008-05-26
5 瀏覽
琴晚同朋友兩個人去食晚餐,叫左兩個set dinner, 我要紐西蘭肉眼扒($11X),七成熟. 朋友要左個帶子比目魚餐($15X).我個餐湯揀左羅宋湯,好普通.朋友個set既湯係藍青口唔知甚麼湯,以為好特別啦,黎到一望成碗羅宋湯咁,係多左一隻青口係D湯度,飲落根本就係羅宋湯,咁禁樣巧立名目法,唉... 隨湯附送兩件方型蒜蓉飽,味道不錯但唔熱既..... 等左一陣我個肉眼扒就黎啦,心諗上菜都算快播!望落個樣都OK,size都算足夠,伴薯蓉同菜(cheap cheap翠玉瓜...) 係下面,用好大隻碟裝.開頭切左幾舊食都覺得唔係好掂,無肉味又較韌.點知越切就越難切,D根多到切到我手軟,同埋就算切到既好多都係食唔到,因為真係太多根啦!咬唔開!仲有另一大問題係件扒唔係我要求既七成熟,根本得4,5成熟,好生,係咁以煎下就算,唔怪得咁快上菜啦!!結果最後頂唔順,食乘三分之一.... 朋友個帶子比目魚餐,賣相ok,但係帶子得一細舊...舊魚呢..又係無味既,得d汁有味,朋友話都非常麻麻....伴碟既意粉一睇就知唔掂,一patpat咁,過淋. 最後上甜品同咖啡.甜品係不知名既杏仁味甜糕一舊,size
等左一陣我個肉眼扒就黎啦,心諗上菜都算快播!望落個樣都OK,size都算足夠,伴薯蓉同菜(cheap cheap翠玉瓜...) 係下面,用好大隻碟裝.開頭切左幾舊食都覺得唔係好掂,無肉味又較韌.點知越切就越難切,D根多到切到我手軟,同埋就算切到既好多都係食唔到,因為真係太多根啦!咬唔開!仲有另一大問題係件扒唔係我要求既七成熟,根本得4,5成熟,好生,係咁以煎下就算,唔怪得咁快上菜啦!!結果最後頂唔順,食乘三分之一....
朋友個帶子比目魚餐,賣相ok,但係帶子得一細舊...舊魚呢..又係無味既,得d汁有味,朋友話都非常麻麻....伴碟既意粉一睇就知唔掂,一patpat咁,過淋.
最後上甜品同咖啡.甜品係不知名既杏仁味甜糕一舊,size得麻雀一粒咁大.味度好怪,朋友就覺得太甜.
全餐最好味係杯咖啡.
間野裝潢唔錯,令人覺得好似幾高級咁,所以收你D價錢係中上,但係內裏只係賣豉油西餐既質數,你諗下,叫個扒餐伴碟既菜竟然比幾舊翠玉瓜就算,係大家樂食紅蘿蔔呀,西蘭花呀都有幾舊la.
張張檯擺支"特價"紅酒係度sell你,又有點蠟蠋,好似好high class,又有個架仔掛哂D刀,叉,匙更比你自己拿來用,但係呢個架度淨係得飯更,無湯更播,問D侍者有無湯更拒話無...食西餐連飯更同湯更都無分既餐廳有幾高級大家心中有數...
食物質數原全唔掂,埋單兩個人三百蚊.我好肯定出面搵間茶餐廳叫個鐵板餐一定好食過拒!
以後一定唔會再去!!
張貼