一茶詞 (已結業)

收早想飲杯茶當簡單lunch, 經過一茶詞見到裝修幾靚，啲茶既款式亦都吸引，於是打算試下。通常我要試一間舖頭既茶，我都係會飲佢地既奶蓋系列，因為試得多唔同間可以比較到。所以好快我就揀好左要佢地推介既奶蓋金鳳茶王。依間個奶蓋都可以有四款選擇，連埋最新出既大白兔奶蓋其實有五款添！不過作為芝士怪，我都係揀芝士奶蓋。價錢平均都係$2x，唔算貴，like facebook仲有減$3，學生又有優惠。店舖細細但整得幾靚，小文青風。仲有兩個座位，無人時可以坐低慢慢飲。講返杯茶，茶底都還算正常，但無特別香茶味。而芝士奶蓋無咩芝士味，同埋居然係偏咸既，我都係第一次飲到偏咸既芝士奶蓋😅🙈加上其實個奶蓋算薄，雖然影落似乎唔會薄得好誇張，但其實杯飲品啲冰都唔少，而冰係浮住係奶蓋果部分，先睇落奶蓋厚啲，真正飲起黎就唔多。 總結來講，個奶蓋唔係我心目中鐘意既奶蓋口味，而茶底普通，今次就滿足唔到我想飲好味芝士奶蓋既小心願喇。