金田家 (已結業)

今日冇乜野做就約左朋友去荃灣行街。咁岩見到過江龍拉麵店金田家，好似好耐冇食就決定去呢間食晚餐。舖頭有樣好，就係營業時間夠夜，岩晒我同朋友呢d貓頭鷹族，而且10點左右都仲有人入黎食野。舖頭裝修亦都唔錯，坐得舒服又有聖誕氣氛。入翻正題，野食方面，我同佢總數叫左2碗拉麵同1個小食。我叫左黑豚拉麵，而佢就叫左個辛子黑蒜拉麵。2個麵我地都幾滿意，湯飲落唔似味精湯，飲多d都唔怕。2個拉麵既配菜就差不多。呢間金田家好似有別於其他分店，佢會提供餐前小食，有三樣野食，都幾好食架，可以食住等拉麵！話曬都叫食晚餐，所以都叫多左個小食等我地食飽d。叫左個築前煮，都幾有日本特色，所以都係值得推薦。