影片
更多
2013-07-22
448 瀏覽
買咗團購 ，今日去榮華換金磚酥。去到見到有很多味道，每件都係獨立包裝，都幾細件，特價$6.50/件(原價$10/件)。一心想揀完味道至拎出coupon ，點知個店員問我係咪用coupon嘅 ，如果係就冇得選擇，因為已經定咗味道！每張coupon有5款味道，鳳梨/蛋黃鳳梨/藍梅/冬蓉/南棗, 每款各1件。 嘩！當個店員拉開櫃桶，一袋袋用背心膠袋包住，好似梅菜咁拎出嚟打開比我睇，當時真係唔開胃呀！！ 心想..... 就算fix咗d味道都包靚少少啦，好似街市買菜咁！況且，買咗2張價值$40嘅團購，換嚟係2袋寒寒酸酸嘅餅仔！早知買2件東海棠嘅北海道芝士餅算啦！返到屋企，就當然試試味道啦！ 鳳梨：即是鳳梨酥。雖然不太甜，但菠蘿餡味道好淡, 唔多突出，加上外皮牛油味嘅太濃又太淋，所以一咬散哂，味道如食淋咗嘅牛油曲奇一樣!蛋黃鳳梨：都係如鳳梨酥味道，只有多少少咸蛋黃粒，外皮都係一樣，牛油味太濃又太淋！藍莓：d餅嘅外皮牛油味實在太濃又太淋 ，藍梅餡嘅味都唔係太突出，所以食落口只覺有勁濃嘅牛油味!純冬蓉：從來冇想過會要呢隻味，加上勁濃嘅牛油味外皮... 但冇辦法冇得揀！不過，應該唔會試直至過期算數！無
買咗團購 ，今日去榮華換金磚酥。去到見到有很多味道，每件都係獨立包裝，都幾細件，特價$6.50/件(原價$10/件)。
一心想揀完味道至拎出coupon ，點知個店員問我係咪用coupon嘅 ，如果係就冇得選擇，因為已經定咗味道！每張coupon有5款味道，鳳梨/蛋黃鳳梨/藍梅/冬蓉/南棗, 每款各1件。
嘩！當個店員拉開櫃桶，一袋袋用背心膠袋包住，好似梅菜咁拎出嚟打開比我睇，當時真係唔開胃呀！！
心想..... 就算fix咗d味道都包靚少少啦，好似街市買菜咁！況且，買咗2張價值$40嘅團購，換嚟係2袋寒寒酸酸嘅餅仔！
早知買2件東海棠嘅北海道芝士餅算啦！
返到屋企，就當然試試味道啦！
鳳梨：即是鳳梨酥。雖然不太甜，但菠蘿餡味道好淡, 唔多突出，加上外皮牛油味嘅太濃又太淋，所以一咬散哂，味道如食淋咗嘅牛油曲奇一樣!
蛋黃鳳梨：都係如鳳梨酥味道，只有多少少咸蛋黃粒，外皮都係一樣，牛油味太濃又太淋！
藍莓：d餅嘅外皮牛油味實在太濃又太淋 ，藍梅餡嘅味都唔係太突出，所以食落口只覺有勁濃嘅牛油味!
純冬蓉：從來冇想過會要呢隻味，加上勁濃嘅牛油味外皮... 但冇辦法冇得揀！不過，應該唔會試直至過期算數！無奈！
南棗：好抗拒南棗, 都係冇想過會要呢隻味，但冇辦法冇得揀！所以都係應該唔會試, 直至過期算數！無奈！
除咗食慣榮華嘅臘腸，今次係第一次食佢嘅金磚酥，不過, 都唔好食嘅, 又唔算平, 下次唔會再買囉！
如果為咗食鳳梨酥，我寧願到超市買盒台灣產品，味道好d又抵，更加唔使揪住兩袋梅菜咁！
張貼
