星海薈 (利舞臺廣場)

營業中

休息中

今日過銅鑼灣shopping，利舞台五樓《星海薈》環境正，樓底好高，彎彎長樓梯，好適合婚宴包場，食物水準屬上品，叫咗個升級大閘蟹套餐，兩位起，冰鎮花雕南非鮑魚~花雕酒味道唔錯，爽口煙韌鮑魚夠大隻。蟹黃會生翅~上菜時已經聞到蟹香味道，仲有一排排嘅生翅，正！紫蘇蒸大閘蟹(每隻約五両)~兩位共四隻，啱季節食大閘蟹，由腳食起，充滿蟹膏，啖啖香口，要快手趁熱食啊。川貝海底椰花膠燉鱷魚肉湯~唔吃翅的朋友可以揀飲呢個鱷魚肉湯，一樣足料。生拆蟹肉雲腿扒豆苗~分兩份上，豆苗嫰綠爽口，蟹肉芡汁都打得唔錯。招牌原隻脆皮皇子鴿~拆蟹要快手，新鮮炸起嘅乳鴿香味已贏，皮香肉脆，原隻自己親手拆食，勁可口！蟹粉小籠包~再來蟹粉小籠包，大大隻皮薄餡靚，充滿蟹王，小心流汁、燙口。夠薑汁九層糕~熱辣辣蒸起，煙韌。黑糖薑茶~好夠薑。另外加個菜，海參豆腐煲~今次帶埋阿女，兩個餐加個餸已經好夠食，呢個海參炆得夠淋，豆腐炸香掛上獻汁味道要讚。