金記冰室 (康怡廣場北座)

營業中

休息中

冰室係香港人嘅集體回憶，悠久嘅老店越嚟越少，有45年歷史嘅筲箕灣金記冰室好彩可以傳承落去。由西營盤重開後，跟其中開到去太古嘅康怡花園，趁着lunch Time同A姐去試試！無骨海南雞配油飯海南雞飯仲配有湯同飲品，夠晒豐富。而雞已經去骨，啖啖肉又夠滑。平時嘅海南雞飯有三種調味料，呢度就有薑蓉同甜豉油。比較少見嘅仲有花生，而油飯方面，好彩唔算太油膩，都算唔錯。乾炒牛河上枱已經見到出晒煙，食落夠晒鑊氣，河粉夠滑溜，牛肉軟腍，仲有爽口嘅芽菜，口感一流，係冰室必點嘅食物。金粒西多配棉花糖嚟冰室又點少得西多？西多炸到金黃色，熱辣辣好香脆，加埋煉奶一齊食，好滋味。但更邪惡嘅就係棉花糖啊！紅豆冰紅豆冰係去冰室嘅另一推介，呢杯紅豆冰有大量紅豆，紅豆蓉同紅豆粒嘅比例啱啱好，好有層次，夠晒口感。