影片
更多
2022-07-04
602 瀏覽
今次喺六國staycation, 包咗 粵軒嘅 “佛跳牆X港式回憶懷舊菜套餐”二人份前菜 酸青瓜瓜皮比較硬, 少少酸🥢🥢🥢懷舊三寶 (金錢雞, 翡翠金枝及上湯煎粉果)🥢金錢雞 - 兩片薄麵餅夾上晶瑩透明肥豬肉(冰肉), 雞潤及一片薄薄叉燒, 完全唔會覺得太油膩, 叉燒少少焦香蜜味, 冰肉唔算太爽口但油脂甘香, 再加上雞潤芳香, 就算有肥豬肉及雞潤呢D咁油膩嘅食材, 食左一舊都唔會有好大嘅罪疚感 🥢上湯煎粉果粉果炸得色澤金黃, 入口非常酥脆, 不過外層炸皮有D油, 所以放湯就可以減低油膩感, 湯做得很清淡, 唔會搶走粉果嘅原味, 餡料非常充足, 蝦肉鮮甜juicy, 配上紅蘿蔔碎, 增添口感🥢翡翠金枝四季豆混合咸蛋黃炒香, 四季豆爽脆冇渣, 配上鹹蛋黃, 鹹香惹味🥢釀焗鮮蟹蓋睇落隻蟹好細隻, 但係食落好鬼馬, 原來超多蟹肉, 一疏一疏, 配料有洋蔥粒及菇粒, 並混合了適量的醬汁, 使到配料及蟹肉融合在一起, 表面的芝士焗至微微金黃色, 芝士嘅煙韌咸香口感再加埋蟹肉嘅鮮味, 真材實料冇得輸啦, 食完一隻都唔覺膩🥢魚湯浸時蔬魚湯比較鹹, 而菜亦比較老身有渣🥢招牌蜜汁叉燒知道呢度出哂名食「
前菜 酸青瓜
瓜皮比較硬, 少少酸
🥢🥢🥢懷舊三寶 (金錢雞, 翡翠金枝及上湯煎粉果)
🥢金錢雞 - 兩片薄麵餅夾上晶瑩透明肥豬肉(冰肉), 雞潤及一片薄薄叉燒, 完全唔會覺得太油膩, 叉燒少少焦香蜜味, 冰肉唔算太爽口但油脂甘香, 再加上雞潤芳香, 就算有肥豬肉及雞潤呢D咁油膩嘅食材, 食左一舊都唔會有好大嘅罪疚感
🥢上湯煎粉果
粉果炸得色澤金黃, 入口非常酥脆, 不過外層炸皮有D油, 所以放湯就可以減低油膩感, 湯做得很清淡, 唔會搶走粉果嘅原味, 餡料非常充足, 蝦肉鮮甜juicy, 配上紅蘿蔔碎, 增添口感
🥢翡翠金枝
四季豆混合咸蛋黃炒香, 四季豆爽脆冇渣, 配上鹹蛋黃, 鹹香惹味
🥢釀焗鮮蟹蓋
睇落隻蟹好細隻, 但係食落好鬼馬, 原來超多蟹肉, 一疏一疏, 配料有洋蔥粒及菇粒, 並混合了適量的醬汁, 使到配料及蟹肉融合在一起, 表面的芝士焗至微微金黃色, 芝士嘅煙韌咸香口感再加埋蟹肉嘅鮮味, 真材實料冇得輸啦, 食完一隻都唔覺膩
🥢魚湯浸時蔬
魚湯比較鹹, 而菜亦比較老身有渣
🥢招牌蜜汁叉燒
知道呢度出哂名食「黯然銷魂飯」, 叉燒應該無失拖, 熱辣辣, 瘦肉部分都唔會乾柴, 軟熟淋香, 蜜味適中, 不過如果可以斬得厚番少少及再多啲濃邊就好喇😆
🥢粵軒精裝佛跳牆
原盅佛跳牆, 鮑魚都有成5cm, 另外仲有雞件, 瑤柱, 海參, 花膠, 金華火腿粒及豬肉粒, 睇落清, 飲落鮮甜, 鮑魚燉咗咁耐都有鮮味, 口感彈牙, 略嫌海參及花膠太細粒
🥢迷你筒仔飯
食落有啲似荷葉飯的味道, 飯粒粒粒爽口好食, 唔油膩, 味道適中
🍮薑汁千層糕
睇落似一般酒樓嘅薑汁糕, 不過食落絕不一般, 薑味濃郁, 唔會太甜, 食完之後, 口腔內都有薑味嘅余韻, 質地亦Q彈好食
🍮焗蓮蓉西米布甸
面層焗得微微焦燶, 內裹餡料熱辣辣, 蓮蓉香滑清甜, 配上西米, 口感獨特
🥂精選白酒(每人一杯)
配埋白酒, 成餐飯好嘆好舒服
餐廳相當寬敞，裝修平穩得體，每張枱的距離足夠，坐得舒適
張貼
