L'Eclair de Genie (已結業)

金鐘 Pacific Place 對我嚟講真係完全冇嘢行，今次都只係為咗聖誕期間小王子展覽先專程過來。專登由新界揸車到金鐘當然唔會只為小王子，仲要朝拜一下今期甜品熱點L'Eclair de Genie嘅泡芙。我哋今日趁平日OL們未放食飯時來所以唔算多人，圍住餅櫃若有6-7人同四周鋪頭相比都算係熱鬧了。眾多款式款款賣相都非常吸引，最後捒咗Matcha Bambou（$45）同Chocolat Petillant（$45）。抹茶味係香港限定口味，望落好似好甜但食落唔甜之餘仲好香抹茶味，泡芙咬落唔脆皮薄鬆軟，反而口感好清新。朱古力味面層係朱古力碎粒，脆脆口感好正朱古力味亦濃。