FRIENDSHIP MARKET

營業中

休息中

聽同事講金鐘站有間新開嘅麵包舖，放工嘅時候成日見到大排長龍，不過見到啲麵包好吸引，的起心肝都去排隊買返少少，點知唔小心越買越多。買咗幾盒新出嘅麵包包，仲有見到蛋撻有買三送一嘅優惠，佢有幾款口味，除咗原味之外，仲有開心果同埋朱古力，唔係好甜做飯後甜品非常適合。布甸麵包，麵包係麻糬波波有咬口，配埋入邊嘅布甸一齊食，多重口感，最開心係仲有好多唔同味道，總有一個口味適合唔同嘅朋友。麻糬包第二日早餐食，煙煙韌韌嘅麻糬包，唔同嘅口味一樣咁夾。甜品都好出色糯米糍試咗幾隻味，全部都做得好軟糯，餡料非常多，買完喺地鐵站已經忍唔住即刻食咗一個，超級好食，回家再試埋華田脆脆，除咗華田味濃郁，有啲脆脆增加口感，真係食唔停口，我下次一定要試埋其他口味。