Marmalade (已結業)

餐廳位於遠東大廈地下，地點如果係商場落去比較難搵，要小心2條電梯裡面近大快活落去，而地鐵站Ｃ出口一出對面先容易D搵到。餐廳大概有8個位左右，所以大部分人都會外賣，1點食飯時間店舖會企滿人，所以想堂食就要早小小去了，食物價錢方面算正常，意粉平均都係$60左右，今次叫左蒜香牛肉炒意粉，意粉口感彈牙，唔會太稔，而味道不錯，蒜味突出，同牛肉非常夾。餐廳亦會提供唔同調味料比客人調較口味，例如黑椒、胡椒、芝士粉等等。