肯德基家鄉雞 (KFC) (已結業)

自問喜歡食炸雞，KFC係一個平食炸雞嘅好地方。今次出左新口味“金鑽芝士松露點脆雞”，當然要捧下場。金鑽芝士松露點脆雞餐 A2 $45整個餐包括：2件炸雞，1個大磨菇飯，葡撻，中杯汽水以及整個餐嘅重點金鑽芝士松露醬一包。炸雞只係普通家鄉雞，都同平常一樣炸得香脆，所以味道係無驚喜。打開芝士松露醬的包裝，因為無個碟，只可以直接吱在雞上面。醬杰身，有好香芝士味，松露味只有小小。醬像沙律醬，帶點酸味。整體係好味嘅，同平日芝士脆脆個醬唔同，Lee款好味得多。