影片
更多
2010-12-05
84 瀏覽
金鳳食評已過三百，多我一篇不多，算是作個紀錄，留下一少條腳毛吧。其實早早想試大名鼎鼎的金鳳，但唔知點解的唔起心肝脾肺腎去試。今日朋友話黎灣仔食飯，又唔介意去搵位，咁有誠意，我只好提議佢去金鳳碰碰運氣。還好朋友早到，唔駛幾耐有得坐，佢一坐底，門口已現人龍，而且因為一個人坐晒門口成張檯，其實幾核凸，所以不停收到追魂call叫我地快ｄ到，真係sorry。餐牌其實同無得揀無分別，皆因全人類都係叫特價午餐。野食黎得快如閃電，小小一張圓檯坐五個本已迫夾，放晒野食更加係無得郁，食完既碟玩層層疊好平常，未食完既都要層層疊都算少見，我正係一手拎住個包，一手極速吃完個麵之下完成個餐的。菠蘿油要加兩蚊，菠蘿夠脆皮，包熱夠溶鮮油，其實算不錯，但如稱為招牌就有點莫名其妙，其實只要新鮮出爐，好多地方都做到，到底是先有名氣才有招牌？還是先有招牌才有名氣？五香肉丁公仔麵也不錯，不是出前一丁，麵煮的不會過腍，肉丁當然是standard，但作為常餐算不錯了。火腿奄列蛋煮得不過熟，火腿很足料，吃得很是滿足，就除了吃得趕一點之外…熱奶茶不小心差點打翻了，在極度擠迫的環境下，能保住餘下的已經是萬幸…奶茶沒想像中的好喝，可能因為
其實早早想試大名鼎鼎的金鳳，但唔知點解的唔起心肝脾肺腎去試。今日朋友話黎灣仔食飯，又唔介意去搵位，咁有誠意，我只好提議佢去金鳳碰碰運氣。
還好朋友早到，唔駛幾耐有得坐，佢一坐底，門口已現人龍，而且因為一個人坐晒門口成張檯，其實幾核凸，所以不停收到追魂call叫我地快ｄ到，真係sorry。
餐牌其實同無得揀無分別，皆因全人類都係叫特價午餐。野食黎得快如閃電，小小一張圓檯坐五個本已迫夾，放晒野食更加係無得郁，食完既碟玩層層疊好平常，未食完既都要層層疊都算少見，我正係一手拎住個包，一手極速吃完個麵之下完成個餐的。
菠蘿油要加兩蚊，菠蘿夠脆皮，包熱夠溶鮮油，其實算不錯，但如稱為招牌就有點莫名其妙，其實只要新鮮出爐，好多地方都做到，到底是先有名氣才有招牌？還是先有招牌才有名氣？
五香肉丁公仔麵也不錯，不是出前一丁，麵煮的不會過腍，肉丁當然是standard，但作為常餐算不錯了。
火腿奄列蛋煮得不過熟，火腿很足料，吃得很是滿足，就除了吃得趕一點之外…
熱奶茶不小心差點打翻了，在極度擠迫的環境下，能保住餘下的已經是萬幸…奶茶沒想像中的好喝，可能因為甚麼也是整定的緣故吧…另外留意到凍奶茶是另外一大壺雪在另一個雪櫃，換句話說，又是整定。到底無冰奶茶是否如傳說中好飲？留待下回分解吧。
極速黎到，極速坐底，極速點餐，極速吃完，極速離去。去得金鳳，預左，皆因這就是香港茶餐廳文化。
張貼
