釜之魂釜飯專門店 (淘大商場) (已結業)

最近先真正了解到釜飯是日本傳統鍋饭，類似我哋香港煲仔饭，首先將白米，高湯和食材放進鍋，猛火加細火慢煮至没有水蒸氣，再用真空原理冚蓋燜煮而成。朋友介紹咗係九龍灣淘大花園有間釜飯專門店，咁一於來試吓啦。今次两個人叫咗汁燒牛肉釜飯，金魂(極，魚腩部分)蒲燒釜飯，髒髒炸香蕉及吉列牛舌。其中一個加18蚊轉為套餐，咁就有埋前菜，麵豉湯及一杯飲品，前菜是腌蘿蔔，卜卜脆，口感佳，份量略為少啲，如果多啲啲就好喇。麵豉湯内有豆腐，海帶，湯味濃郁都幾好飲，其實講真好少會話麵豉湯好飲吖。柚子蜜也不錯，不會太甜。汁燒牛肉釜飯的飯嘅份量唔少，煙煙韌韌之餘亦粒粒分明，牛肉粒份量也比想像中多好多，有牛肉味又不會韌，正重頭戲鰻魚亦没有令我哋失望，大大舊魚腩燒到甘香，更有免費鰻魚汁添加，實在太好喇。吉列牛舌，粉槳不會過多。髒髒炸香蕉第一次試，口感特别，下次再試真啲。