影片
更多
2018-10-25
384 瀏覽
Beautiful Sunday ☀️ 早起的鳥兒有鐵板燒食😋 師傅為我們準備 US Thin Sliced Beef Roll美國頂級牛肉薄燒🔥🥩 吸引吧？！自從喺日本食個正宗鐵板燒之後，從此一試愛上！香港並唔係咁多間師傅做得正宗嘅鐵板燒，而我揀世嘅原因就係因為佢夠正宗，話說我生日月份嘅生日飯真係排山倒海，有啲朋友真係在心中，一年見幾次就係因為大家嘅生日啦！星期日一早起身，化個靚妝飛起老公，同好姊妹去撐枱腳！呢位好姊妹係香港人，正確啲嘅講法係香港島嘅人，約佢食飯只限銅鑼灣，而且佢出入嘅地方要 high class 、裝修要精緻、食物仲要高質素⋯⋯所以佢選擇得請我食飯嘅地方必定係好野！成個package我都好喜歡，Special Course, 特上套餐都只不過$330 + 10% ，內容豐富，認真抵食！最開心就係可以坐係吧枱前邊望住師傅為我倆準備鐵板燒的食材。午餐都幾 full 下，熱熱鬧鬧咁！首先食咗前菜開胃一下，汁煮南瓜清甜、蘿蔔入味。沙律有特別嘅無花果，新鮮嘅沙律菜，鮮甜嘅番茄仔，再配上柚子醋，完全係激活左我嘅味蕾。過咗一陣侍應遞上一隻可愛的貓頭鷹，揭開原來係熱騰騰的蒸蛋，材料十
美國頂級牛肉薄燒🔥🥩 吸引吧？！
自從喺日本食個正宗鐵板燒之後，從此一試愛上！香港並唔係咁多間師傅做得正宗嘅鐵板燒，而我揀世嘅原因就係因為佢夠正宗，話說我生日月份嘅生日飯真係排山倒海，有啲朋友真係在心中，一年見幾次就係因為大家嘅生日啦！
星期日一早起身，化個靚妝飛起老公，同好姊妹去撐枱腳！呢位好姊妹係香港人，正確啲嘅講法係香港島嘅人，約佢食飯只限銅鑼灣，而且佢出入嘅地方要 high class 、裝修要精緻、食物仲要高質素⋯⋯所以佢選擇得請我食飯嘅地方必定係好野！
成個package我都好喜歡，Special Course, 特上套餐都只不過$330 + 10% ，內容豐富，認真抵食！最開心就係可以坐係吧枱前邊望住師傅為我倆準備鐵板燒的食材。午餐都幾 full 下，熱熱鬧鬧咁！首先食咗前菜開胃一下，汁煮南瓜清甜、蘿蔔入味。
沙律有特別嘅無花果，新鮮嘅沙律菜，鮮甜嘅番茄仔，再配上柚子醋，完全係激活左我嘅味蕾。
過咗一陣侍應遞上一隻可愛的貓頭鷹，揭開原來係熱騰騰的蒸蛋，材料十足之餘更加係軟滑無比。
然後師傅以鐵板先煎香銀鱈魚，再放入一個銅碗中與洋蔥和白蘭地慢煮一下，酒香四溢，魚肉滑溜，好味到不得了！
接下來到我最期待的牛肉薄燒，店長說跟 menu 有少許分別，當日發板是美國頂級牛肉薄燒，油花美妙，先吃一口原味，果然入口即溶，牛肉味濃郁。如果沾上岩鹽，鮮味更能提升。牛肉薄燒夾著脆蒜片，口感味道一流！
師傅現場表演出色炒飯, 可以話係色香味俱全，日本米飯粉粒粒分明，再伴以醃菜，不知不覺吃了一大碗。
炒野菜健康美味。
甜品為我們畫上完美嘅句號，綠茶雪糕更加係我心愛自選。
張貼
