影片
更多
2023-03-21
3983 瀏覽
花盃一直係我哋鐵板燒嘅首選今次我哋夜晚黎食，晚市嘅鐵板燒set價錢大概貴一倍左右🥲，不過食物嘅話就選擇多啲，例如會多咗鵝肝、識郁郁吓嘅鮮活鮑魚同埋金鯛魚~ 喺師傅煮之前，佢會show晒所有食材出嚟，並加以介紹，咁當然仲會問有冇乜嘢唔食，如果有，師傅會用第二種食材去取代，不過價錢當然唔會變🤣前菜就有茶碗蒸、汁煮花螺、沙律。汁煮花螺幾好食，又爽口，同時唔會太鹹👍🏻鮮活澳洲鮑魚師傅將鮑魚處理完成後就切成薄片，再用牛油同埋少少黑胡椒作為調味去炒佢。本身我哋都成問過師傅唔洗落鹽咩？師傅話鮑魚本身係活嘅，所以體內已有海水，再落鹽就會過鹹，而且越新鮮嘅食材越唔需要太複雜嘅調味，less is more咁話，真係長知識🤫鮑魚片厚薄適中，火喉剛剛好，爽口彈牙。牛油及黑胡椒嘅香襯托埋鮑魚本身嘅鹹鮮，越食越想食，正呀喂~🥹金鯛魚要用 “驚艷” 黎形容 😱 煮法好講技巧，魚皮用滾油反覆淋上去直至魚鱗豎立，睇住師傅表演，真係好過癮🥹 食落酥脆好似薯片咁，一咬落去索索聲，而且魚肉保持到嫩滑質感好正、好滿足😌巨虎蝦師傅用番鮑魚個煮法，拆埋殼、挑埋蝦腸，一啖一粒🤤 蝦頭就留起備用，師傳話用蝦膏炒個靚飯俾我哋禾鵝肝煎得
今次我哋夜晚黎食，晚市嘅鐵板燒set價錢大概貴一倍左右🥲，不過食物嘅話就選擇多啲，例如會多咗鵝肝、識郁郁吓嘅鮮活鮑魚同埋金鯛魚~ 喺師傅煮之前，佢會show晒所有食材出嚟，並加以介紹，咁當然仲會問有冇乜嘢唔食，如果有，師傅會用第二種食材去取代，不過價錢當然唔會變🤣
前菜就有茶碗蒸、汁煮花螺、沙律。汁煮花螺幾好食，又爽口，同時唔會太鹹👍🏻
鮮活澳洲鮑魚師傅將鮑魚處理完成後就切成薄片，再用牛油同埋少少黑胡椒作為調味去炒佢。本身我哋都成問過師傅唔洗落鹽咩？師傅話鮑魚本身係活嘅，所以體內已有海水，再落鹽就會過鹹，而且越新鮮嘅食材越唔需要太複雜嘅調味，less is more咁話，真係長知識🤫鮑魚片厚薄適中，火喉剛剛好，爽口彈牙。牛油及黑胡椒嘅香襯托埋鮑魚本身嘅鹹鮮，越食越想食，正呀喂~🥹
金鯛魚要用 “驚艷” 黎形容 😱 煮法好講技巧，魚皮用滾油反覆淋上去直至魚鱗豎立，睇住師傅表演，真係好過癮🥹 食落酥脆好似薯片咁，一咬落去索索聲，而且魚肉保持到嫩滑質感好正、好滿足😌
巨虎蝦師傅用番鮑魚個煮法，拆埋殼、挑埋蝦腸，一啖一粒🤤 蝦頭就留起備用，師傳話用蝦膏炒個靚飯俾我哋禾
鵝肝煎得洽到好處，入口即化鵝肝油脂香味充滿成個口不得了🥹
牛就係神戶牛，一如既往咁出色👍🏻 我哋加錢叫咗和牛舌….，切得太薄，不過口感都幾好。不過就對唔住個價錢囉….. #我哋中咗伏你哋先唔會再中伏
最後上埋個甘香到爆炸嘅蝦膏炒飯、魚湯，跟住就係重頭戲，最正嘅Hidden menu焦糖多士啦！！！睇落好簡單但整得好食唔係咁易，無論火候、糖同牛油嘅分量師傅都控制得啱啱好，做飯後甜品一流！
滿足……好滿足…….🤤
張貼
