影片
更多
2018-11-29
5382 瀏覽
今日即興出咗又一城食嘢, 由於爸爸鍾情呢間, 所以星期日都帶佢出黎食, 由於今日撞正有溜冰比賽, 所以比較多人, 同埋我見到圍住溜冰場坐既枱前面全部企滿人喺到影相, 心諗萬一排到坐果邊就冇啖好食啦! 我地4位都要等咗差唔多20分鐘, 好彩係編咗去餐廳入面既位, 上菜時間都唔算太耐, 食物溫度都叫熱, 好可惜既係埋單時有段小插曲, 有個女仔侍應嚟俾單我, 我就俾咗張匯豐銀聯雙幣信用咭佢, 佢望一望再行返轉頭問我, 係咪要輸入密碼, 我心諗信用咭要輸入密碼既咩? 銀聯信用咭我都只係得呢張, 簽過幾次咭, 但人地都冇問我呢個問題, 我只係答番佢咪普通簽咭咁囉! 冇耐又有個男經理又走嚟問我, 小姐你會唔會攞錯咭, 頭先你話當VISA咁簽咭, 我話係呀咪簽咭囉, 你地呢到唔收銀聯係咪? 佢地又唔回應我, 果刻都樣衰, 咪攞另一張滙豐Visa Signature出嚟簽咭囉! 其實好簡單講句咋嘛, 我地餐廳唔收銀聯, 之前THE ONE果間COMBO都係, 人地好快手一見到係銀聯就係話唔收啦, 免郤尷尬嘛! 肉醬麵包 - 呢到既麵包仔不及P. EXPRESS做得好, 口感好差沙嗲雞串 - 燒到燶晒
肉醬麵包 - 呢到既麵包仔不及P. EXPRESS做得好, 口感好差
沙嗲雞串 - 燒到燶晒都可以比客食, 一個字勁呀! 果然只求效率不求質素
柚子大蝦沙律 - 柚子鮮甜, 蝦肉都好爽口
水果茶系列 - 水果夠新鮮, 飲品味道一般
大蝦簥麥麵 - 賣相好吸引, 大蝦新鮮爽口, 簥麥麵都不錯
巴馬火腿PIZZA - 呢到既PIZZA餅底都係我鍾意食既, 可能係麵粉發粉既問題, 口感好煙韌, 不錯
總結 : 呢到既食物水準仍然可以保持住, 不過銀聯咭事件就真係搞到一頭霧水
張貼
