黃枝記 (已結業)

記得以前去澳門食過黃枝記，對佢既竹昇麵印象深刻。估唔到今日行行下銅鑼灣竟然見到有佢既招牌，即刻行左入去。 原來銅鑼灣呢間正正就係澳門黃枝記係香港既分店，屬於樓上鋪，地方都幾大，而且同澳門黃枝記一樣，有個地方係擺放製作竹昇麵既工具。 餐牌亦都唔係獨弧一味，除左招牌竹昇麵之外都仲有好多其他食物，又有套餐。 咖喱牛腩撈麵上枱時有一碗湯，一碗牛腩同埋一碟麵。先將麵浸一浸入湯，然後將咖喱牛腩加埋一齊食。竹昇麵有少少硬身，但因為浸過湯，完全唔乾身。咖哩牛腩辣道適中，煮得都算淋。 原粒帶子腸粉雖然腸粉薄既程度未至於可以透到入面既餡料，但係表面都係可以見到大大粒帶子係裡面。入口既腸粉都幾滑口而且彈牙，帶子為軟淋淋既腸粉增加口感！整個腸粉唔濃味，清清地。 香煎瑤柱蘿蔔糕雖然係煎過，但唔覺有煎過火既痕跡。蘿蔔糕表面佈滿瑤柱，入口成口瑤柱，口感提升。至於蘿蔔糕口感一流，一般出面食到既蘿蔔糕都係咬落去鬆鬆散散，而今次食到既係實在既感覺，所以覺得幾好食。 酥炸雲吞超大塊，仲大過我隻手，好有份量。咬落去非常香脆，一咬即碎，配埋甜甜酸酸既醬食，無咁熱氣之如，又開胃。 柑桔生薑茶未飲已經聞到柑桔既香味，入口有少少