備長

營業中

休息中

去完銅記行街，又係時間醫肚，去左食備長日本料理。備長壽司盛 有唔同嘅刺身，包括三文魚、油甘魚、赤身、甜蝦、甜蛋卷同鯛魚，每款都好新鮮又滑，特別係蝦同油甘魚份外鮮甜，打卡一流!備長卷清爽creamy嘅吞拿魚蓉做為基底，清新嘅蔥絲夾喺中間增加唔一樣嘅風味，細膩嘅海膽同粒粒飽滿嘅三文魚籽，提供咗特別嘅口感，每一樣食材都可以食得出新鮮，一啖落去超滿足!日式芝士年糕中間的流心芝士味濃郁，煙煙韌韌，外層鬆脆!煙肉芝士廣島蠔少少檸檬汁調味已經足夠，又濃又Creamy的鮮味在口中瀰，加埋topping的芝士和洋蔥煙肉，真系超好味!燒明太子飯團明太子是以鱈魚卵用鹽巴、紅辣椒粉、調味料浸漬製成。飯團外面脆卜卜，內裏明太子的味道鮮美濃郁，具有獨特的鮮味。 口感略帶嚼勁，魚子很小，咬起來很緊實。