影片
更多
2024-06-16
1736 瀏覽
📍銅鑼灣 Causewaybay / Vol.1 Cafe最近同朋友約見面，見到呢間手工意份好似幾吸引就決定去試一試。舖頭喺樓上舖，要行樓梯上去，當日上到去就唔算太多，所以冇好似其他評論咁覺得坐得特別唔舒服🤧 環境就咁睇都裝修得靚，洗手間都算乾淨，第一印象不錯~食物方面，睇完Menu要自己出去落單的(｡･ω･｡) 本身想試下佢嘅黑糖鮮奶米麻糬，不過個日就無啦🙂↔️ 所有食物上到枱都係微暖咁，賣相正常，冇濾鏡直出嘅效果就係圖片咁。✨自家製龍蝦汁蟹肉手工寬麵條 / $178(Handmade Fettucine with Crab Meat and Lobster Sauce)龍蝦汁味道濃郁，配埋一疏疏蟹肉，汁嘅味道不錯。寬條麵口感就比較硬，尚算掛汁，但就唔覺彈牙或者有蛋香味。（當日仲叫咗個Carbonara，不過冇影到相，只可以話呢個寬條面口感稍微好過Bigoli。) 面頭有塊竹炭麵包，攞嚟撈汁食都OK。✨藍芝士煙肉手工圓粗麵 / $158(Handmade Bigoli with Pancetta and Blue Cheese Sauce)個blue cheese sauce同意粉分
最近同朋友約見面，見到呢間手工意份好似幾吸引就決定去試一試。舖頭喺樓上舖，要行樓梯上去，當日上到去就唔算太多，所以冇好似其他評論咁覺得坐得特別唔舒服🤧 環境就咁睇都裝修得靚，洗手間都算乾淨，第一印象不錯~
食物方面，睇完Menu要自己出去落單的(｡･ω･｡) 本身想試下佢嘅黑糖鮮奶米麻糬，不過個日就無啦🙂↔️ 所有食物上到枱都係微暖咁，賣相正常，冇濾鏡直出嘅效果就係圖片咁。
✨自家製龍蝦汁蟹肉手工寬麵條 / $178
(Handmade Fettucine with Crab Meat and Lobster Sauce)
龍蝦汁味道濃郁，配埋一疏疏蟹肉，汁嘅味道不錯。寬條麵口感就比較硬，尚算掛汁，但就唔覺彈牙或者有蛋香味。（當日仲叫咗個Carbonara，不過冇影到相，只可以話呢個寬條面口感稍微好過Bigoli。) 面頭有塊竹炭麵包，攞嚟撈汁食都OK。
自家製龍蝦汁蟹肉手工寬麵條
$178
44 瀏覽
0 讚好
0 留言
✨藍芝士煙肉手工圓粗麵 / $158
(Handmade Bigoli with Pancetta and Blue Cheese Sauce)
個blue cheese sauce同意粉分開上，食嘅時候再淋落去。原本對有blue cheese嘅嘢期待唔高，但係意外地都幾好食，同個意粉幾夾。煙肉偏肥，食落似油渣多過crispy bacon， 面口感都係一般，粉感重得制。整體嚟講，都係個汁出色過個意粉。
藍芝士煙肉手工圓粗麵
$158
50 瀏覽
0 讚好
0 留言
✨VOL.1 薯條 / $52 (French Fries)
普通薯條，冇特別，配松露醬同蕃茄醬。
Vol.1 薯條
$52
22 瀏覽
0 讚好
0 留言
✨抹茶奶蓋士多啤梨牛奶 / $52
(Matcha Crema Strawberry Milk)
士多啤梨味唔算好出，抹茶味又唔多覺有，勝左整體唔太甜，入口順滑，都可以接受🤧
抹茶奶蓋士多啤梨牛奶
$52
22 瀏覽
1 讚好
0 留言
上網話呢間係No.1手工意粉，就未免有啲過分吹捧左了。以呢個環境同食物質素嚟講，唔太值佢收緊嘅價錢，加一服務費亦唔見有咩服務可言。想去挑戰嘅人係可以一試，雖然未到好差，不過感覺都唔會再幫襯😵💫
📍VOL.1 Cafe // 銅鑼灣景隆街3號2樓
食物: 2.5/5
環境: 3/5
服務: 3/5
性價比: 2.5/5
張貼
