富山麵家

營業中

休息中

今晚來銅鑼灣食日式拉麵，呢間拉麵店門面好有傳統日式風味，大紅籠配上木系裝修，感覺好似去咗日本咁。冠軍黑醬油拉麵呢款係日本拉麵秀的五年冠軍，賣相好吸引，叉燒肥瘦適中，燒過的外皮帶一點焦香，切得好薄身，入口泛油香而不膩，質感細緻；糖心蛋糖心效果好靚，蛋黄蛋香味濃，蛋白嫩滑；湯底選擇左原味，黑蒜香味濃，咸香味中帶鮮味；面身非常爽口彈牙，咬落去帶有少少韌性，掛湯力不錯。黄金蟹糕牛奶沾麵牛奶湯底好香濃，creamy得唔會太厚重，有牛奶香味又有少少芝士鹹香；面身比起拉麵更有韌性，掛湯力強；蟹膏好香濃蟹味，撈埋粟米同蟹柳食好夾。富山雞翼金黃色賣相好吸引，外皮炸得好香脆，仲加咗芝麻好香，加咗香濃嘅特製醬油好惹味，酸酸甜甜又有少少鹹味，內裏肉質鮮嫩，咬開爆肉汁好juicy肉汁滿滿餃子餃子外皮煎得香脆焦香，皮薄餡細滑，菜肉比例平衡得宜，咬開會有肉汁爆出，肉汁鮮味juicy凍鮮泡蜂蜜綠茶士多啤梨杯造型好得意，味道清新清甜，蜂蜜味比較重，茶味比較淡。熱白桃綠茶綠茶味比較淡，有少少白桃香。整體來講，拉麵同小食質素高質，價錢合理，仲有個好抵食嘅二人套餐，而且唔使加一服務費；環境好有日本風味，值得推薦。