影片
更多
2008-12-15
3 瀏覽
近日晌 OpenRice 既 "十大好評升幅" 內出現左個比較陌生既名字 - Mochi Cream, 原來係銅鑼灣 Sogo 新開既一間人氣店, 身為 "甜魔會" 既一份子, 我又點會放過呢個 "新店直擊" 既機會呢? Mochi Cream 店鋪位置完全唔難搵, 其實就係晌 Sogo 舊翼 B2 Supermarket 果層既上落行人電梯中間, 加上擺放得相當美觀既 Presentation, 同一個個好奇"信眾"形成既人龍, 非常搶眼, 絕對係成個 B2 層數最熱既景點~店鋪裝修簡約, 但由兩個玻璃櫃組成既 L 字型櫥窗卻帶來一點高貴感覺, 加上唔同顏色同味道既 Mochi 每十個十個咁擺放得整整有條, 淨係呢方面既 Presentation 都足夠吸引到顧客既目光, 甚至購買既衝動.... (事後發覺, 原來櫥窗入面既 Mochi 真係 "Display only" 來架!! 真正售賣俾顧客既 Mochi 係收埋晌 Counter 後面架~ 所以個櫥窗幾時都咁齊同咁靚..... )店鋪售賣方式非常有系統, 每個顧客都要好似去酒樓飲茶咁, 要用張點心紙去剔點心, 而 Mochi
Mochi Cream 店鋪位置完全唔難搵, 其實就係晌 Sogo 舊翼 B2 Supermarket 果層既上落行人電梯中間, 加上擺放得相當美觀既 Presentation, 同一個個好奇"信眾"形成既人龍, 非常搶眼, 絕對係成個 B2 層數最熱既景點~
店鋪裝修簡約, 但由兩個玻璃櫃組成既 L 字型櫥窗卻帶來一點高貴感覺, 加上唔同顏色同味道既 Mochi 每十個十個咁擺放得整整有條, 淨係呢方面既 Presentation 都足夠吸引到顧客既目光, 甚至購買既衝動.... (事後發覺, 原來櫥窗入面既 Mochi 真係 "Display only" 來架!! 真正售賣俾顧客既 Mochi 係收埋晌 Counter 後面架~ 所以個櫥窗幾時都咁齊同咁靚..... )
店鋪售賣方式非常有系統, 每個顧客都要好似去酒樓飲茶咁, 要用張點心紙去剔點心, 而 Mochi 張紙就已經列晒所有味道出來, 仲要連價錢都分好埋, 好似大﹑中﹑小點咁, 非常體貼, 就算買一個都唔接受口頭落 order, 保証唔會落漏或落錯單, 連售罄既味道都大大隻字寫埋出來, 清清楚楚, 亦避免左無謂既詢問..... 而從現場所見, 事實真係見唔到有任何混亂情況出現, 呢樣野真係好少新店可以做得到架, 絕對值得嘉許~!!!
是日售罄既味道係 "紅豆" 同 "香蕉朱古力", 反正首次光臨, 就隨便揀左以下呢幾款味道:
櫻花 ($13) - 被其名字同顏色所吸引, 食完先知 "原來呢個味道就係櫻花味", 三隻味道之中, 第一件試左呢隻, 感覺唔太甜, OK~
焦糖布甸 ($13) - 個人喜好, 所以揀左呢隻味道, 一如所料, 中間會有焦糖滲出, 賣相吸引, 但原先以為會係最甜既, 點知原來中間焦糖部份完全唔甜, 反而帶苦味, 唔係太識欣賞。
蘋果批 ($17) - 據聞係另一 "人氣之選", 既然未售罄就買左一件, 蘋果批碎令到整個 Mochi 增添一份口感, 淡淡既玉桂味亦增添一份層次感, 亦明白呢隻味道會成為 "人氣之選" 既原因~
整體感覺來講, 似食緊雪糕糯米滋, 但表皮比雪糕糯米滋煙韌 N 倍~ 值得一讚~
企圖用手分開一半, 但原來成功既機會都係一半一半架咋~ 建議用刀切開為佳~
部份味道較普通, 所以下次會熟讀各位食友既評語再作選擇, 現時鎖定下一次既目標包括:
紅茶﹑香蕉朱古力﹑黑芝麻﹑紅莓蜜糖
Mochi Cream, 好快會有下次~ Yeah~!!
張貼
