街頭火鍋

營業中

休息中

估唔到呢間火鍋店幾有特色，充滿台式港式風味，而火鍋配料亦都幾刁鑽。咁兩個人食就嗌套餐抵啲，我哋就嗌咗個牛嘅二人餐，其實個餐都包咗好多嘢嘅，不過我哋都另外單點左啲嘢。今次就為大家重點介紹下我哋覺得好食嘅。💮🐓湯底就選咗個滋潤嘅花膠濃雞湯。飲落去非常滋潤唔會淡茂茂。然後主角就係牛肉，保持到鮮嫩可口嘅質素。🥩👁️然後見到有個幾特別嘅部位，頂級鮮肉眼筯，佢係肉眼扒上的筋膜，一般嚟講都比較難買得到，所以就即刻點咗啦。食落去口感爽脆。◻️🐟臭豆腐 炸魚 生根拼盤。估唔到火鍋店都有得食台式臭豆腐。都好耐冇食過臭豆腐啦，呢種又臭又香嘅味道，入口有一種萬年油嘅感覺其實係好正。🍡肉丸拼盤。包含咗各種嘅丸仲，有炸魚片頭。各種丸都夠曬新鮮夠曬爽口彈牙，特別牛丸嘅牛味真係非常濃。🍢咖喱魚蛋成日都食，呢間都保持到水準。不過佢哋喺會比係街邊啲咖哩魚蛋辣啲，因為上面充滿咗辣椒碎。