響日本燒肉 (已結業)

難得可以早收工，約埋朋友黎呢間響日本燒肉食個早鳥燒肉放題。揀咗款包78品料理嘅美國&澳洲和牛燒肉放題，星期日至四晚市早段(7:30p.m.前離座)每位$398，可以燒足120分鐘，呢個價錢可以食到和牛放題都算係幾抵。坐低之後店員先為我哋上咗個刺身拼盤同十二宮格燒肉頭盤。刺身拼盤有生蠔、原隻甜蝦、帶子、劍魚、油甘魚、三文魚、北寄貝同八爪魚，最正當然係生蠔，夠新鮮得黎口感幼滑細膩。帶子同甜蝦都唔錯，入口鮮甜。至於個十二宮格燒肉頭盤，入面有多款澳洲和牛，好似牛肉眼、牛西冷、牛胸腹咁，和牛油花分佈平均，肉質腍嫩，油香同肉香都好濃郁，拼盤亦都有兩款米澤三元豚肉同野菜，每款少少哋食完邊款岩心水就可以再encore。頭盤當然唔夠滿足我哋兩個食肉獸，好在呢d肉類嘅款式非常我哋就點咗好似海蝦、牛舌、薄炙美國牛里脊肉等等。值得推介嘅係生薑汁澳洲肥牛博燒，肥牛醃都入晒味，而且非常之腍，輕輕一燒就食得。除咗燒肉，放題亦都有其他炸物、小食同料理可以叫。我哋就叫咗松葉蟹柳天婦羅、芝士年糕、榴槤炸彈、紫芋圓等等。食飽都仲可以叫埋movenpick雪糕做飯後甜品添。。。響日本燒肉 (銅鑼灣)銅鑼灣渣甸街66號亨環2樓