紅堂 (已結業)

星期五放工去銅鑼灣登龍街找野食, 登龍街出名多高質餐廳,最後擇左間多好評既紅堂火鍋試下 。紅堂真係好紅, 一入到去紅紅既燈罩加昏暗粉红既螢光燈, 好有氣氛。好彩我地7點零到,因為之後好快已經滿座。佢地裝修特別,近窗邊位置既枱好似一間間廂房,有門可以關上,好有私隱度。職員好有禮貌會解釋毎種湯底同特別既菜式,湯底我地擇左紅堂和牛麻辣同花膠魚肚雞湯鴛鴦鍋,兩個湯底都非常入味有料,雞湯有大大個花膠魚肚。配料叫左泡淑滑牛肉,羊肉卷,泡淑豬肉炒手,炸午餐肉,紫菜響鈴,烏冬,鴨血同冰菜,最特別係可以係紙袋加辣粉或辣油再shake shake加重味道既炸伊比利酥肉,又香口又脆。蝦仔燈籠,賣相做到好似蝦壽司一樣,上面係蝦塊下面係手打丸,證明廚師既巧手心思。蒜泥白肉水晶丸賣相亦一流,上枱有乾煙點綴,估佢吾到,有啲菜仲會有佢地既logo係碟上,可惜相影吾出佢既特別。本人係火鍋控又係麻辣控,食過無數既麻辣火鍋店,一分錢 一分貨,紅堂無論服務,食物質素同地點都係我既list入面其中會再去光顧既火鍋店 。