影片
更多
2018-11-27
46 瀏覽
今日約咗位朋友行街同埋慶祝佢生日，因為依位朋友非常喜歡食日本料理，所以我搵餐廳時只攻日本餐廳，咁啱見到依間新開張名為風流居酒屋嘅日本餐廳，原來大圍都有分店，而且大圍分店非常有名氣，最近先開分店係銅鑼灣，雖然兩間店本人都未食過，但係壽星女話聽過朋友介紹，好想試吓，咁就一於揀佢啦！首先餐廳嘅座位都算鬆動，而且裝潢同日本居酒屋一樣偏向簡約，令人有種好舒服自在嘅感覺。午市套餐嘅選擇都好多，正當我心大心細之時，餐廳老闆就好細心地介紹餐牌嘅選擇，而且在對話間都透露出餐廳正在構思下個月嘅新菜式，當中仲有我哋都好喜歡食嘅壽喜燒，當我話今日朋友生日，老闆就話可以俾我哋預先試食依份安格斯牛肉壽喜燒。依樣就係我對居酒屋特別鍾情嘅其中一個原因，通常同老闆傾傾吓計都會有餐牌無又或者比較少機會食到嘅菜式可以試到。除咗安格斯牛肉壽喜燒，我哋再叫咗份角切魚生飯$180。套餐會有沙律、小鉢、熱湯。沙律新鮮清爽，而小鉢都好好味，係煮得好軟身又非常入味嘅牛肉粒同蘿蔔，熱湯係蕃茄牛肉湯，煲得非常濃味。角切魚生飯首先份量相當大份，而且除咗飯量多之外，魚生嘅份量都好多，完全蓋過經過特別調製嘅白飯。除咗有多種類嘅魚生，仲有三文魚籽
首先餐廳嘅座位都算鬆動，而且裝潢同日本居酒屋一樣偏向簡約，令人有種好舒服自在嘅感覺。
午市套餐嘅選擇都好多，正當我心大心細之時，餐廳老闆就好細心地介紹餐牌嘅選擇，而且在對話間都透露出餐廳正在構思下個月嘅新菜式，當中仲有我哋都好喜歡食嘅壽喜燒，當我話今日朋友生日，老闆就話可以俾我哋預先試食依份安格斯牛肉壽喜燒。依樣就係我對居酒屋特別鍾情嘅其中一個原因，通常同老闆傾傾吓計都會有餐牌無又或者比較少機會食到嘅菜式可以試到。除咗安格斯牛肉壽喜燒，我哋再叫咗份角切魚生飯$180。
套餐會有沙律、小鉢、熱湯。
沙律新鮮清爽，而小鉢都好好味，係煮得好軟身又非常入味嘅牛肉粒同蘿蔔，熱湯係蕃茄牛肉湯，煲得非常濃味。
角切魚生飯
首先份量相當大份，而且除咗飯量多之外，魚生嘅份量都好多，完全蓋過經過特別調製嘅白飯。除咗有多種類嘅魚生，仲有三文魚籽同海膽。最驚喜就係海膽好鮮甜，非常高質又抵食！
安格斯牛肉壽喜燒
一見到啲牛肉就即刻心心眼啦，肉質非常粉嫩，肥瘦均勻適中。除咗牛肉外仲有其他蔬菜，包括洋蔥、大蔥、菇、紅蘿蔔等。老闆仲特意出黎介紹要點樣煮，先解釋依種係關西壽喜燒嘅做法，會先將熱好嘅鍋放一粒牛脂肪起鍋，然後放入牛肉同洋蔥煎到七分熟，再淋上醬汁去煮。
牛肉果然出色，又嫩口又濃味，如果覺得太油膩仲可以點餐廳調製嘅醬去食，帶少少芥末味，可以中和油膩感。
而且關西仲有個特別之處就係肉類同蔬菜係分開煮，牛肉食完先再放蔬菜同醬汁去煮。另外關西同關東嘅壽喜燒仲有個分別，就係關西風嘅醬汁味道會較淡，而且顏色上亦比較淺，啱晒長期為減肥戰鬥嘅女仕，因為平時比較常食嘅關東風壽喜燒都用咗好多糖去煮。
新鮮嘅蔬菜唔洗用太多調味已經好清甜，蒟蒻又索味又彈牙。
我同壽星女都非常滿意依餐飯，既能享受到美食，又能了解到關東同關西嘅飲食文化差異，長知識啊真係。
而且餐廳職員服務又友善，令我更加期望餐廳嘅新餐單，一定要再黎試吓啊！
張貼
