Da Dolce Gelato Italiano (已結業)

其實之前都見過呢度無數次, 但唔知點解永遠都無興趣幫襯, 後期見到佢擺一大個蘇施黃0係店外做「生招牌」, 更加無興趣... 今日食完個包有d 口乾, 終於遊了0黎試試佢d gelato, 叫了一杯strawberry panna cotta + grapefruit (一杯兩隻味$28) 坐0係鋪入面慢慢嘆.Grapefruit 0個隻係sorbetto, as expected 酸到命都無, 仲有一絲絲西柚肉, 味道唔錯, 夠晒開胃; 相比之下strawberry panna cotta 就當然甜好多亦幾creamy, 面頭有幾粒士多啤梨肉, 士多啤梨味同奶味proportion 適中, 好食! 店內窗邊有一兩張檯/櫈俾客人堂食, 都幾舒服; 招呼唔錯, 女店員有禮貌, 找完錢之後主動幫「一抽二lung」的我拎住杯gelato, 等我慢慢收起d change 收起銀包, 客人走時佢又會「多謝晒, byebye」, 值得一讚.仲以為利園山道XTC 執0左之後會好難再0係銅鑼灣搵到好食的gelato 店tim, 而家唔使憂了!