金西南米線

營業中

休息中

成日路過拉麵街，一間成日都見幾多人入面嘅米線店，今次就嚟試吓啦，發現都好多附近返工嘅人過嚟食，如果平時一個人食晏呢度都幾啱，價錢同好多連鎖式米線店差唔多，不過呢度仲有唔同嘅小食，價錢親民都幾抵食。今次同朋友嚟，揀咗一個撈米線，一個酸辣小窩米線，轉紅薯粉，小窩米線底嘅醬汁都幾夠濃味，唔會太辣，啱香港人口味，見到佢有一個得獎腩肉，都特登叫黎試吓，口感不錯，可以一試。反而今次令我覺得有驚喜嘅，唔係米線，竟然係佢嘅小食，除咗好多款式可以揀之外，我最鍾意嘅係藤椒魚皮，佢同出邊嗰啲小食好唔同，呢個魚皮係薄身啲嘅，好爽脆，啲辣味係由食咗落去慢慢滲出嚟嘅，呢個口感如果配麵食真係幾正嘅小食，推介