影片
更多
2024-08-20
693 瀏覽
上次食Cafe嘅時候留意到呢到有間泰國菜，見到OpenRice都好多好評，又諗起自己最近真係冇乜點樣食泰國菜就叫埋朋友一齊試吓。食完之後覺得真係高質，特別係鍾意食辣嘅朋友一定唔可以錯過。‣ 火山排骨 $228作為招牌菜唔嗌真係對唔住自己，一上枱嘅時候就覺得好巨型，有啲唔知點樣食好。排骨好辣但係好過癮，佢嘅調味啱啱好，唔會太鹹，酸酸辣辣勁開胃。肉質都好鮮嫩，唔會好嚡口，搞到我係咁食停唔到。‣ 火焰燒雞 $208上枱嘅時候一點火就係大家拎手機出嚟影相嘅時候，雞肉外焦內嫩，個人都幾鍾意有啲焦香嘅雞皮，就係貪佢有一種燒烤嘅味道。佢本身有搭配醬汁，不過自己鍾意就咁食多啲。‣ 泰式串燒 $108整體嚟講，佢啲串燒燒得都唔錯，每一串都大大嚿肉。因為本身都有醃製過，就算冇蘸沙嗲醬已經好好食，不過對我嚟講食串燒沙嗲醬先係精粹，覺得令到成串串燒提升咗去另一個層次。我自己就咩都嗌啲，有豬牛雞，但係其實你可以自己揀想要幾多串豬牛雞。‣ 生菜肉碎包 $108諗住全部都係食肉，同朋友講話點樣都要嗌一樣菜平衡下。比起其他菜式，肉碎只係微辣，感覺有少少係調味用，但係都炒得極香，夾埋生菜食啱啱好，即刻幫你成個人都ref
‣ 火山排骨 $228
作為招牌菜唔嗌真係對唔住自己，一上枱嘅時候就覺得好巨型，有啲唔知點樣食好。排骨好辣但係好過癮，佢嘅調味啱啱好，唔會太鹹，酸酸辣辣勁開胃。肉質都好鮮嫩，唔會好嚡口，搞到我係咁食停唔到。
‣ 火焰燒雞 $208
上枱嘅時候一點火就係大家拎手機出嚟影相嘅時候，雞肉外焦內嫩，個人都幾鍾意有啲焦香嘅雞皮，就係貪佢有一種燒烤嘅味道。佢本身有搭配醬汁，不過自己鍾意就咁食多啲。
‣ 泰式串燒 $108
整體嚟講，佢啲串燒燒得都唔錯，每一串都大大嚿肉。因為本身都有醃製過，就算冇蘸沙嗲醬已經好好食，不過對我嚟講食串燒沙嗲醬先係精粹，覺得令到成串串燒提升咗去另一個層次。我自己就咩都嗌啲，有豬牛雞，但係其實你可以自己揀想要幾多串豬牛雞。
‣ 生菜肉碎包 $108
諗住全部都係食肉，同朋友講話點樣都要嗌一樣菜平衡下。比起其他菜式，肉碎只係微辣，感覺有少少係調味用，但係都炒得極香，夾埋生菜食啱啱好，即刻幫你成個人都refresh一下。
‣ 炸蝦餅 $88
炸蝦餅真係我嘅最愛，佢啲蝦餅都好大嚿，咬落去嘅時候啲蝦肉相當彈牙，絕對冇偷工減料。熱辣辣得嚟又唔會過份油膩，絕對係上乘嘅炸蝦餅。😋
‣ 龍眼冰 $36
夏天真係冇得唔嗌凍飲，而我自己食泰菜好多時會嗌龍眼冰。嘢飲入面啲龍眼都唔少，甜度適中舒服，係我食得咁邪惡嘅時候，有杯龍眼冰懶係健康養生咁幾好。
張貼
