焰 炭燒專門店 (已結業)

公司同事食過呢間之後讚口不絕，猛咁話性價比高，叫我哋一定要去幫襯下，今日就同朋友過嚟幫襯下，睇下係咪真係咁好食，我哋兩個人揀咗dinner set B，同朋友分別揀咗日本蜜瓜梳打，同日本白桃梳打，季節精品先付三品，這道菜擺盤精美，順序係番薯甘露＞煙三文魚配黑魚子包哈密瓜＞蟹膏豆腐，番薯軟稔清甜，煙三文魚配黑魚子包哈密瓜， 哈密瓜清甜多汁， 配上煙三文魚同黑魚子好夾， 味道豐富多層次，最後最濃味嘅蟹膏豆腐蟹膏味濃郁， 豆腐表面輕輕火炙過， 令到蟹膏嘅味道更加突出，季節刺身三點，用玻璃器皿盛載，見到有魚仔喺下層游黎游去，好得意，打卡一流，北海道帆立貝﹑牡丹蝦﹑大拖羅﹑油甘魚，因為朋友不吃生蝦，所以其中一份季節刺身三點，師傅很細心地換走了牡丹蝦，刺身很新鮮，而且厚切，北海道帆立貝爽口鮮甜，牡丹蝦鮮味彈牙，大拖羅入口即溶，魚脂係口中爆發，油甘魚幼滑細膩，肥美鮮香，火炙和牛刺身配意大利香草汁，和牛係A5岩手縣黑毛和牛，火炙和牛刺身包住日本嘅芽蔥，面頭有啲黑魚子，旁邊係意大利香草汁，和牛刺身輕輕火炙過，油花均勻豐富，入口即溶，輕輕火炙過後，和牛的香味散發出來，配上意大利香草汁，令和牛的滋味更昇華，