影片
更多
2024-01-29
25 瀏覽
天氣咁凍就一定要打邊爐😆今次揀咗間懷舊主題的邊爐店，餐廳有好多有好懷舊feel的海報同擺件，仲有超靚的霓虹燈，真係好有feel呀🤩一開始就有職員捧住大大盤鼓油同配料過嚟，可以自己調個豉油碟，佢嘅蒜茸好香呀😆冬甫美人鍋(雞湯）$228湯底非常鮮甜，一滾起都未落料已經飲咗大半碗湯，好好飲。湯料都幾豐富，有半隻雞，雞肉好鮮嫩，尤其係雞髀位，雞髀肉好滑溜。冬瓜吸收哂湯的精華，不知不覺就食咗幾舊。桃膠都好好食，應該就係美人鍋的美顏元素😆賣魚勝推介 $398(8頭鮑魚4隻、大元貝2隻、海蝦6隻)呢款海鮮拼盤的海鮮真係非常新鮮，上枱時隻蝦仲郁緊。鮑魚睇住時間嚟淥，3分鐘就食得，食落好軟腍，唔老唔硬，唔錯🥰大元貝都真係幾大隻，貝柱位食落好有鮮味，又夠彈牙。海蝦淥熟咗的鮮紅色好吸引，仲要大大隻。蝦肉結實爽口，真係好新鮮🤩鴛鴦滑 $108(蟹籽蝦滑&黑松露墨魚滑)蝦滑非常彈牙，都好有蝦味，加埋蟹籽好有口感；墨魚滑的黑松露味好香，食落好惹味。唐生菜 $38好翠綠好新鮮，份量都幾多。熟食 妃子笑 $78上網見到多人推介，咁就點一份試試，果然好正👍🏻呢款其實係米通脆蝦球，外層好酥脆，蝦球好爽口，蝦味都好
天氣咁凍就一定要打邊爐😆今次揀咗間懷舊主題的邊爐店，餐廳有好多有好懷舊feel的海報同擺件，仲有超靚的霓虹燈，真係好有feel呀🤩
一開始就有職員捧住大大盤鼓油同配料過嚟，可以自己調個豉油碟，佢嘅蒜茸好香呀😆
冬甫美人鍋(雞湯）$228湯底非常鮮甜，一滾起都未落料已經飲咗大半碗湯，好好飲。湯料都幾豐富，有半隻雞，雞肉好鮮嫩，尤其係雞髀位，雞髀肉好滑溜。冬瓜吸收哂湯的精華，不知不覺就食咗幾舊。桃膠都好好食，應該就係美人鍋的美顏元素😆
賣魚勝推介 $398
(8頭鮑魚4隻、大元貝2隻、海蝦6隻)
呢款海鮮拼盤的海鮮真係非常新鮮，上枱時隻蝦仲郁緊。
鮑魚睇住時間嚟淥，3分鐘就食得，食落好軟腍，唔老唔硬，唔錯🥰
大元貝都真係幾大隻，貝柱位食落好有鮮味，又夠彈牙。
海蝦淥熟咗的鮮紅色好吸引，仲要大大隻。蝦肉結實爽口，真係好新鮮🤩
鴛鴦滑 $108
(蟹籽蝦滑&黑松露墨魚滑)
蝦滑非常彈牙，都好有蝦味，加埋蟹籽好有口感；墨魚滑的黑松露味好香，食落好惹味。
唐生菜 $38
好翠綠好新鮮，份量都幾多。
熟食 妃子笑 $78
上網見到多人推介，咁就點一份試試，果然好正👍🏻呢款其實係米通脆蝦球，外層好酥脆，蝦球好爽口，蝦味都好濃郁，蘸糖醋汁好好食！
烏龍茶 $19
去油解膩😆
甜品 啫喱 & 糖不甩
原來仲有甜品送😆啫喱ok啦，糖不甩超好食。糖不甩要落鍋滾一滾再蘸花生碎，花生碎好脆好香，食落好正😊
九龍城同撈同煲 (堅拿道西) (銅鑼灣)
銅鑼灣堅拿道西10號冠景樓2樓B號舖
*上述文章只供參考及以當時價格為準
張貼
