稻埕飯店 (V Point) (已結業)

Tea time時間～係銅鑼灣行緊街，行到攰攰地諗住搵地方坐下，咁岩就見到呢間餐廳的tea menu，個梳乎厘睇落勁吸引，咁就俾佢吸左入去🤣入到去想講餐廳的燈光好迷幻，不過背景音樂的爵士樂都幾好聽😆黑糖珍珠舒芙蕾班戟配抹茶冰淇淋 $58班戟好柔軟，切的時候都唔敢太大力，怕一切就散開，質地睇落好綿密，食落好鬆軟，中間的cream好甜好好食🥰仲有好多好煙韌又彈牙的珍珠，蘸d黑糖漿，味道昇華哂🤤抹茶雪糕有好濃的抹茶味，亦食到淡淡的牛奶味，上面仲有粒爆谷🤣不過溶得都幾快草餅好煙韌，士多啤梨酸酸地，中和返其他食物的甜膩。芒果西柚丸子 +$26呢碗丸子都幾足料，有好多小丸子😋小丸子食落好軟糯煙韌，西柚肉酸酸甜甜，但個糖水底唔太有芒果味。中間的係豆腐花，食落都幾滑溜。隨餐飲品 神品巨峰烏龍茶打開茶壺蓋一聞，烏龍茶味好濃郁，亦聞到好淡的提子味。飲落唔算濃味，飲唔到提子味，烏龍茶味都幾淡。稻埕飯店 (V Point) (銅鑼灣)銅鑼灣登龍街18號V Point地庫*上述文章只供參考及以當時價格為準