瓊媽媽 (邊寧頓街) (已結業)

銅鑼灣野食真係超多選擇，但係疫情下造就咗好多只做外賣自取既小店，其中呢間瓊媽媽係一間性價比幾高既選擇佢哋嘅王牌係雞飯，可選擇配白飯、菜飯或油飯，價錢相差少少，但每個飯配上例湯一碗先至四五十蚊，銅鑼灣黎講真心抵！例湯雖然係隨餐附送既例湯但一啲都唔馬虎！今日係南瓜煲雞湯，有南瓜鮮甜味，仲有幾舊雞肉可以咬下！深海龍脷柳菜飯配椰香咖喱食咗幾次雞飯今次試吓咖哩！佢哋既咖喱汁比較稠身，椰香唔係太出但勝在咖喱味濃，撈飯一流龍脷柳有三四塊，加上薯仔洋蔥做配菜，午餐分量剛剛好，就算想嗌多飯都唔使另外加錢架