醉忘魚屋 (已結業)

今日同朋友一齊喺銅鑼灣嘅居酒屋食飯，咁啱佢有一個好抵食嘅刺身火鍋套餐，每人$ 398但係可以食到好多嘢！ 餐廳坐得好舒服，唔算多人，可以兩個人靜靜地，慢慢咁食返餐好食嘅日本嘢！又唔會趕時間，真心覺得環境、味道、價錢都好過過去食出面啲放題🤭 極尚五點刺身盛 有帆立貝、三文魚腩、油甘魚、牡丹蝦、鯛魚！ 全部都好鮮甜美味，魚生都好新鮮，特別嘅係帆立貝中間夾咗塊檸檬咁食，不過我都係鍾意就咁食，因為檸檬皮比較苦🤣 叫咗呢個叫「醉忘」雞白湯湯底 好濃郁嘅雞湯 係好天然嘅雞湯鮮味😋 野菜盛盒其實蔬菜嘅份量都幾多 不過我哋兩個都食得晒 岩岩好 佢仲有自家製蝦滑同埋墨魚滑，兩個都好新鮮、彈牙！另外一個重點- 海鮮！佢啲海鮮好新鮮，有新鮮嘅蠔、鮑魚、蜆、龍蝦、帆立貝、魚、大蝦！蜆味道鮮甜，配合埋呢個鮮甜嘅雞湯，真係充滿鮮味🤭 真係要讚吓佢啲高質嘅海鮮🤣 肉仲有三款肉類，分別係安格斯肉眼、西班牙豚肉、美國牛側腹，個牛好食，薄薄地一片，但牛側腹牛味就比較濃郁～最後，佢哋有問我哋食唔食烏冬或者飯，但兩個女仔實在太飽，所以食唔落，上埋個柚子雪糕就完美😙 呢個雪糕有啲似雪葩，而且柚子味濃郁清新，好食！