影片
更多
2022-08-27
1540 瀏覽
Peak season又辛苦又大壓力，呢個時候我會特別想食邪惡野，所以呢晚就約左朋友仔食炸雞放題。$168就可以任食炸雞+焗雞+Pizza&小食，平時去食韓國炸雞叫一碟已經差唔多呢個價，仲要冇得揀混合口味，呢間都幾抵食，兼且係新鮮炸起😋>炸雞：有8款味，整體炸粉唔太厚，外層脆卜卜，入面係嫩滑多汁既雞肉，值得一讚係會逐件上，咁就可以試多幾隻味，亦都唔怕食到唔岩心水既會哂好多😆我比較鐘意蜜糖芥末香蔥炸雞，芥末味唔算好出，食落甜甜地，幾香口。檸檬柚子炸雞都唔錯，味道較為滑新，唔會話好油膩。黃金鹹蛋焗雞鹹蛋味都幾重，整到好入味，鹹蛋控必試🥰>焗雞：呢個就有5款味，韓風紫菜焗雞表面會佈滿紫菜；雙重芝士焗雞就會響面放左兩款芝士粉，如果裡面有熱溶芝士就仲正🥺（焗都有少少脆脆地口感，但會比較健康😙）>泡菜雞薄餅：個薄餅幾拉芝，泡菜雞味都幾得意，兩者都幾夾又唔會好辣，而且係細份版唔怕食滯。>柚子醋沙律：羅馬生菜同紫葉生菜都幾新鮮，仲有蕃茄仔作為點綴，配上酸酸甜甜嘅柚子醋都幾開胃。>韓式炸伴海蜇：用咗韓式辣醬黎撈海蜇，仲有少少蛋絲，食落甜甜辣辣咁，食得多炸雞，食下其
呢個時候我會特別想食邪惡野，
所以呢晚就約左朋友仔食炸雞放題。
$168就可以任食炸雞+焗雞+Pizza&小食，
平時去食韓國炸雞叫一碟已經差唔多呢個價，
仲要冇得揀混合口味，呢間都幾抵食，
兼且係新鮮炸起😋
>炸雞：有8款味，整體炸粉唔太厚，
外層脆卜卜，入面係嫩滑多汁既雞肉，
值得一讚係會逐件上，
咁就可以試多幾隻味，
亦都唔怕食到唔岩心水既會哂好多😆
我比較鐘意蜜糖芥末香蔥炸雞，
芥末味唔算好出，
食落甜甜地，幾香口。
檸檬柚子炸雞都唔錯，
味道較為滑新，唔會話好油膩。
黃金鹹蛋焗雞鹹蛋味都幾重，
整到好入味，鹹蛋控必試🥰
>焗雞：呢個就有5款味，
韓風紫菜焗雞表面會佈滿紫菜；
雙重芝士焗雞就會響面放左兩款芝士粉，
如果裡面有熱溶芝士就仲正🥺
（焗都有少少脆脆地口感，
但會比較健康😙）
>泡菜雞薄餅：個薄餅幾拉芝，
泡菜雞味都幾得意，
兩者都幾夾又唔會好辣，
而且係細份版唔怕食滯。
>柚子醋沙律：羅馬生菜同紫葉生菜都幾新鮮，
仲有蕃茄仔作為點綴，
配上酸酸甜甜嘅柚子醋都幾開胃。
>韓式炸伴海蜇：
用咗韓式辣醬黎撈海蜇，
仲有少少蛋絲，食落甜甜辣辣咁，
食得多炸雞，食下其他野中和下。
>士多啤梨沙冰&朱古力沙冰：
加錢另叫既，做緊買一送一優惠，
沙冰打到幾綿，味道唔太甜。
張貼
