影片
更多
2023-07-21
193 瀏覽
係去完星加坡交流之後食嘅第一個星加坡菜🇸🇬之前有朋友介紹話呢間唔錯，起James Bonbon隔離，最出名係佢個咖椰爆漿多士平日有午市套餐，包茶/咖啡▶️ 板麵 Banmian ($88)其中一樣係星加坡最鍾意食嘅嘢賣相吸引，足料過星加坡當地食嘅板麵上面有隻半熟蛋，蛋白比較水汪汪，可惜蛋黃過熟，未能做到流心效果湯底本身清淡，幸好有打入蛋花同香蔥，令佢杰身又香啲👍🏻炸魚仔乾絕對係板麵嘅精髓，呢度都有加，口感硬硬地，食落鹹香惹味，如果份量多啲就好啦😋有五細粒自家製豬肉丸，口感非一般港式豬肉丸，而係似大嚿啲嘅肉碎，質感較乾 (唔係用肥豬肉嘅代價)而且冇咩調味🐷仲有大量香菇🍄應該用蠔油/老抽調味？非常入味，成為成個麵最濃味嘅嘢，味道慢慢滲入湯底，增添湯底味道板麵又扁又寬，似粗身河粉，可惜麵質唔煙韌🙁少失望健康地上面有幾條菜心🥬個人覺得可以再加多啲炸蒜，令成碗麵更美味▶️ 喇沙 Laksa ($88)可以揀米粉／油麵／滲滲 (雙拼)，揀咗滲滲麵質一般，油麵比例上較少湯底有好香椰奶味👍🏻只係太辣(可見成個湯紅卜卜🌶️)配料有幾隻蝦、魚蛋、魚片、豆卜、熟蛋，都足料▶️ 咖椰吐司 Kaya toast (+$
之前有朋友介紹話呢間唔錯，起James Bonbon隔離，最出名係佢個咖椰爆漿多士
平日有午市套餐，包茶/咖啡
▶️ 板麵 Banmian ($88)
其中一樣係星加坡最鍾意食嘅嘢
賣相吸引，足料過星加坡當地食嘅板麵
上面有隻半熟蛋，蛋白比較水汪汪，可惜蛋黃過熟，未能做到流心效果
湯底本身清淡，幸好有打入蛋花同香蔥，令佢杰身又香啲👍🏻
炸魚仔乾絕對係板麵嘅精髓，呢度都有加，口感硬硬地，食落鹹香惹味，如果份量多啲就好啦😋
有五細粒自家製豬肉丸，口感非一般港式豬肉丸，而係似大嚿啲嘅肉碎，質感較乾 (唔係用肥豬肉嘅代價)而且冇咩調味🐷
仲有大量香菇🍄應該用蠔油/老抽調味？非常入味，成為成個麵最濃味嘅嘢，味道慢慢滲入湯底，增添湯底味道
板麵又扁又寬，似粗身河粉，可惜麵質唔煙韌🙁少失望
健康地上面有幾條菜心🥬
個人覺得可以再加多啲炸蒜，令成碗麵更美味
板麵
$88
28 瀏覽
0 讚好
0 留言
▶️ 喇沙 Laksa ($88)
可以揀米粉／油麵／滲滲 (雙拼)，揀咗滲滲
麵質一般，油麵比例上較少
湯底有好香椰奶味👍🏻只係太辣(可見成個湯紅卜卜🌶️)
配料有幾隻蝦、魚蛋、魚片、豆卜、熟蛋，都足料
喇沙
$88
16 瀏覽
0 讚好
0 留言
▶️ 咖椰吐司 Kaya toast (+$38)
跟餐追加，兩塊麵包搽上咖椰醬再夾住牛油🧈一分為四
雖然唔係佢哋嘅招牌咖椰爆漿多士，但都用上啡色方包，味道甜甜地 (唔知係咪朱古力味？)
反而覺得用返傳統白方包仲好食
咖椰吐司
17 瀏覽
0 讚好
0 留言
有烘烤過，不過嚴佢唔夠燶同香脆🍞
厚厚一層橙色嘅咖椰醬，可惜只有甜味(糖漿味咁)，欠缺蛋香/斑斕椰香味🤥
同正宗咖椰多士差好遠，自己屋企整再搽起新加坡買返香港嘅咖椰醬都似樣同好食過佢
呢個價錢亦太進取，唔建議大家叫🙅🏻♀️
▶️ 凍咖啡 Cold americano (+$3)
可自選奶：燕麥奶、鮮奶、花奶、煉奶
甜度亦可以選擇
鍾意飲齋啡嘅叫咗無奶無糖☕️
咖啡唔苦又冇乜酸味，味道一般
▶️ 凍咖啡配花奶 Cold coffee with evaporated milk (+$3)
比起齋啡甜好多，已經品嚐唔到咖啡味
不過好睇個人喜好
-
賣相唔錯，但味道不太正宗嘅星加坡菜，覺得佢地道化咗😗少許失望
環境就幾舒服嘅，座位起二樓，身處鬧市但俾人感覺寧靜，咁啱有窗邊位坐，可以望街景
Lunch time嚟到唔使等位，但接近坐滿，主要係附近返工人士
服務一般，上菜幾快
性價比還可以，雖然明白冇得同星加坡當地hawker centre價錢比較 (平三倍)，但以呢個味道，覺得佢進取咗少少🤏🏻
勝在佢足料夠飽，以銅鑼灣地段來講大概$120/人可能已經算平
張貼
