影片
更多
2022-12-17
47 瀏覽
洛奇冰室銅鑼灣登龍街一直都係美食集中地，前排經過見到有間港式冰室幾吸引；佢唔似其他冰室咁行懷舊港式味道嘅路線，反而結合咗新派嘅創意元素，忍唔住想入去試下~日式咖哩吉列豬扒蛋包飯 HK$62呢個蛋包飯嘅蛋漿多到同咖喱mix 埋一齊，第一眼見到已經覺得好邪惡；咖哩味道剛剛好，唔會太辣亦都唔會太稀，配埋白飯一齊食味道算唔錯，吉列豬排嘅炒漿唔會太厚食到成咀都係油，味道唔錯，如果塊豬排再鬆軟少少就更加好~芝士咸牛肉炒蛋潛艇 HK$38有冇人同我一樣去冰室係搵潛艇食架呢? 依家好多冰室都唔會再整潛艇，但明明就好好食！呢個潛艇有微微烘過，咬落去外層脆脆地，入面餡料用咗芝士咸牛肉炒蛋，成個感覺都好香口好惹味；如果潛艇個包搽上牛油嘅話我應該會更加鍾意~ 佢嘅薯條亦都炸得好香脆~整體感覺呢間冰室性價比真係極高，價錢唔貴之餘仲跟餐送野飲；本身我地想試下仍嘅招牌沙嗲牛，但我地去到已經賣曬，希望下次去食可以試佢嘅沙嗲牛啦~
銅鑼灣登龍街一直都係美食集中地，前排經過見到有間港式冰室幾吸引；佢唔似其他冰室咁行懷舊港式味道嘅路線，反而結合咗新派嘅創意元素，忍唔住想入去試下~
日式咖哩吉列豬扒蛋包飯 HK$62
呢個蛋包飯嘅蛋漿多到同咖喱mix 埋一齊，第一眼見到已經覺得好邪惡；咖哩味道剛剛好，唔會太辣亦都唔會太稀，配埋白飯一齊食味道算唔錯，吉列豬排嘅炒漿唔會太厚食到成咀都係油，味道唔錯，如果塊豬排再鬆軟少少就更加好~
芝士咸牛肉炒蛋潛艇 HK$38
有冇人同我一樣去冰室係搵潛艇食架呢? 依家好多冰室都唔會再整潛艇，但明明就好好食！呢個潛艇有微微烘過，咬落去外層脆脆地，入面餡料用咗芝士咸牛肉炒蛋，成個感覺都好香口好惹味；如果潛艇個包搽上牛油嘅話我應該會更加鍾意~ 佢嘅薯條亦都炸得好香脆~
整體感覺
呢間冰室性價比真係極高，價錢唔貴之餘仲跟餐送野飲；本身我地想試下仍嘅招牌沙嗲牛，但我地去到已經賣曬，希望下次去食可以試佢嘅沙嗲牛啦~
張貼
