韓牛牧場 (已結業)

有別於一般既韓式烤肉店，依間新開既餐廳使用光波燒烤爐取代傳統既炭火燒烤爐，唔洗驚燒完肉一身油煙味，而且仲相對上較低脂健康，為中意韓燒既你帶來另類體驗～餐廳環境寬闊，大部分座位都係卡位，所以坐得好舒適。依度有放題、套餐及其他單點餐品選擇，今次就試左佢地既午市二人套餐及燒肉丼，Lunch時段仲包埋韓式前菜、沙律及飲品任飲任食，都有唔少選擇！❀ 韓式前菜、沙律及飲品前菜有多種選擇，包括：泡菜、枝豆、粟米、涼拌蓮藕、豬脷、芽菜、青瓜、菠菜及木耳，食落唔會太辣。而沙律吧提供大量菜、青瓜絲、蟹柳絲、中華沙律、蕃茄仔仲有蟹籽，可以自製蟹籽沙律。飲品就有多款汽水、韓式飲品及啤酒等。❀ 1++韓牛韓燒定量午市餐 (二人份)第一次用依款光波燒烤爐，起初擔心會燒得無咁好，點知佢既自動旋轉功能令到食物受熱更加均勻，而且仲會將多餘既油自動排走，所以食落無咁油膩。餐廳亦好貼心在餐紙上列明各種肉類及海鮮既燒烤時間，仲有timer幫手計時，方便控制時間～依款套餐包括1++韓牛牛肋骨肉、韓醬1++韓牛肩胛、西班牙黑豚五花腩、韓式雞腿肉、虎蝦及半殼青口。個人較鍾意兩款韓牛，油脂分佈均勻，燒到半熟既牛肋骨牛味較濃郁，而加左