Chang Thai Restaurant & Bar (裝修中)

早前朋友介紹咗呢間新開既泰式餐廳，有日出開銅鑼灣就即刻走上去試。一開𨋢就見到一個波希米亞風的打卡位，忍唔著影咗兩張先坐低餐廳唔算好大，當日星期一都坐到8成滿，以樓上新開餐廳來說，成績真係好好等食物期間，聽到部分待應/廚師講泰文，相信都係泰國人做廚。睇餐牌先招牌泰式青芒魚外觀和味道都好有泰國feel。盲曹酥炸後鋪上未熟芒果(青芒)、花生、腰果、乾葱等撈成的泰式沙律。 魚肉已經切好一塊塊，方便進食，入口香脆，不過都要注意邊位的魚骨呀~ 沙律酸酸地，辣辣地，非常開胃。配上炸魚減去油膩感覺，兩個人食哂成條，連魚底d 肉都無放過。冬陰公海鮮炒飯炒得粒粒分明就基本，同時唔會炒得好乾。味道一開始覺得偏辣，但唔知係咪習慣咗又覺得無乜野，仲食到少少椰香味。炒飯裏面除了必有的蝦，仲有魷魚、帶子、菇等材料。黃金蝦餅 (4件)食泰國野點可以無蝦餅雖然寫4件，但餐廳將一開二，排得靚靚上碟。 蝦餅粉薄脆口，蝦肉打到起哂膠，入口彈牙熱香茅薑蜜個杯都有泰式風情，薑味偏重點，但又好啱呢排凍凍地飲。青檸梳打男人都係偏愛食辣野飲凍飲，解渴又解辣。