MOO MOO Plus (百德新街) (已結業)

星期日同男朋友黎銅鑼灣經過呢間新開既漢堡包店，入左去食午餐。銅鑼堡有太多材料所以勁高，好彩有手套提供，方便食用。安格斯牛肉好厚又多肉汁，鵝肝肥美，麵包又香脆，好難唔好食。加$8就有香辣薯條，份量十足，新鮮炸起，漢堡包同薯條係絕配。菇菇堡估唔到大啡菇有兩塊甘多，我地仲加左$35要安格斯牛肉，口感好豐富。炸雞條熱辣辣，調味惹味，炸得香脆，啖啖肉，好味。紐約芝士蛋糕入口綿滑，芝士味香濃，如果有埋餅底就更正。