更多
2022-12-16
397 瀏覽
之前經過上環嘅Little Bao分店 成日見到大排長龍 今次發現原來銅鑼灣新開左間好大嘅分店 不過都要早好多日book先有位 餐廳係以fusion為主題 混合左中西日韓台墨式食材 每道菜式都有驚喜 有好多你諗唔到嘅配搭 但都出奇地好食餐廳舒適闊落 裝修係走新潮型格風 值得一提嘅係 餐廳侍應嘅服務態度超級好 非常熱情同細心 同客人們有傾有講 🎄The Holiday Menu for 2🎄🎅🏻🤶🏻小包包二人套餐 $596兩位-Appetizers前菜 (可選四樣前菜)-😍TURKEY CROQUETTES (🎄xmas special)火雞炸丸香脆嘅外皮 包住熱辣辣嘅火雞肉醬 外脆內軟 食嘅時候要好小心 因為啲醬會爆出黎 食落去你會feel到有微微香草味 因為火雞肉醬加咗鼠尾草同百里香 令到味道格外好清新-🍗CHICKEN POPPERS 炸三黃雞脆脆 (原味或四川味)炸雞真係即叫即炸 可以揀原味或者四川味 我哋揀咗四川味 雞肉新鮮之餘 外皮亦都非常爽脆 再加埋四川醬 非常惹味可口-🦐SHRIMP TACOS 墨西哥鮮蝦炸雲吞呢個炸雲吞完全展現左中西合璧嘅味道 香脆墨西哥炸蝦雲吞再
餐廳係以fusion為主題 混合左中西日韓台墨式食材 每道菜式都有驚喜 有好多你諗唔到嘅配搭 但都出奇地好食
餐廳舒適闊落 裝修係走新潮型格風 值得一提嘅係 餐廳侍應嘅服務態度超級好 非常熱情同細心 同客人們有傾有講
🎄The Holiday Menu for 2🎄
🎅🏻🤶🏻小包包二人套餐 $596兩位
-
Appetizers前菜 (可選四樣前菜)
-
😍TURKEY CROQUETTES (🎄xmas special)
火雞炸丸
香脆嘅外皮 包住熱辣辣嘅火雞肉醬 外脆內軟 食嘅時候要好小心 因為啲醬會爆出黎 食落去你會feel到有微微香草味 因為火雞肉醬加咗鼠尾草同百里香 令到味道格外好清新
-
🍗CHICKEN POPPERS
炸三黃雞脆脆 (原味或四川味)
炸雞真係即叫即炸 可以揀原味或者四川味 我哋揀咗四川味 雞肉新鮮之餘 外皮亦都非常爽脆 再加埋四川醬 非常惹味可口
-
🦐SHRIMP TACOS
墨西哥鮮蝦炸雲吞
呢個炸雲吞完全展現左中西合璧嘅味道 香脆墨西哥炸蝦雲吞再配牛油果醬 同埋四川菠蘿莎莎 味道好特別 又酸又甜 都幾開胃
-
🍟TRUFFLE FRIES
黑松露薯條
平時食得黑松露薯條多 今次依個truffle fries係加添左台灣同日本風味 除咗有熱辣辣嘅薯條同埋濃濃嘅黑松露醬之外 仲加入左香蔥滷肉香菇同埋日本黃瓜 雖然感覺上好九唔搭八 但又意外地好食 食到停唔到口
-
BAOS 包點 (可選兩款包)
-
🫓XMAS DUCK BAOY(+$20)(🎄xmas special)
今次第一次食香酥鴨包 令我諗起北京填鴨 軟綿綿嘅饅頭包 包住大大件香酥鴨髀 再配合芥末醬同埋小紅莓 食落去有好多唔同嘅口感味道 甜酸辣都齊晒 非常出色
-
🥩ANGUS BEEF BAO (+$20)
平時食開burger 今次食嘅創新中日西式burger味道非常有驚喜 烘過嘅白饅頭包 夾住安格斯牛扒 牛扒好新鮮好juicy 配埋鹹鹹地嘅洋蔥木魚同好fresh嘅大蔥紫蘇葉 味道拍得住香港數一數二嘅burger
-
Dessert(可選兩款甜品)
-
🍧PB & J GELATO BAO (+$25) (🎄xmas special)
花生醬脆脆配士多啤梨意大利式雪糕
呢個包包其實係炸饅頭 中間放咗一層士多啤梨味雪糕 再加上花生醬 有啲似雪糕三文治嘅感覺 熱辣辣嘅外皮 加埋凍冰冰嘅內餡 好滿足😍
-
🍵MATCHA ICE CREAM BAO 煉奶綠茶雪糕包
香脆炸饅頭包住香濃綠茶雪糕 真係外脆內軟 加埋少少煉奶 簡直係畫龍點睛 高度推介大家叫
張貼