mr.kanso (已結業)

同男朋友去銅鑼灣行街，見到Mr Kanso，紅白色的招牌非常顯眼，店舖採用時尚簡約的裝潢，金、灰、白色的主調充滿輕奢華的感覺，吧枱和用餐區分明，但設計風格十分配搭。餐廳的賣點是日本罐頭和酒，店舖有40多款罐頭供選擇，廚師用罐頭食物加上其他食材而烹飪出一道料理。酒的種類亦有很多，但因為我唔飲酒的，所以詳細都不太清楚，但食物真係好好食，如果唔係話用罐頭煮，根本唔矢口係罐頭食品，不過宜家的日本罐頭都有返咁上下水準和價格，加上混合烹煮更上一層樓啦！我地叫左4道菜，男朋友點左杯啤酒：蘑菇漢堡扒薯蓉 $78薯蓉非常幼滑，入口即溶，配上2塊漢堡扒和蘑菇和以蘑菇、蔬菜和水果燉煮而成的醬汁，在口中散發出來，薯蓉的味道變得好豐富！激辛咖喱牛肉飯 $98呢個牛肉飯真係激辛，刺激味蕾，食一口接住再想食落去。日式的咖喱味道好濃厚，非常惹味，配搭美國牛肋肉和薯仔烹煮，好好味道😋白汁吞拿魚意粉$88白汁好creamy，好濃郁，同吞拿魚的味道非常夾，彈牙的意粉沾上奶味香濃的醬汁和吞拿魚，正呀！烤雞配番薯條 $108烤雞和番薯條烤得好靚，烤雞嫩滑夠juicy,番薯條香甜兩者配合得天衣無縫。