Pololi (已結業)

星期五要搵餐廳食飯真係好難，周圍都排長龍，好難得經過見到有間餐廳係唔洗派對既，所以我地就毫不猶疑咁入左去喇！入到去d staff好熱情，知道我地係第一次黎，就好悉心咁介紹店内既菜式。唔講唔知，原來夏威夷都有魚生飯，呢d咁新奇既食物我地當然叫左黎試啦。其實個魚生飯主要係有吞拿魚，你可以選擇配飯或者沙律菜，當然2樣都要都可以。然後，你可以揀選不同既醬料同其他配菜。今次我揀左wasabi口味既，所以口味相對地比較日式。d材料全部都切到一粒粒，所以其實有d似平時食既日式角切魚生飯。整體味道正常，對得住呢個價位既。不得不讚嘆既係呢度d椰青，好清甜。同埋呢度d cocktail都係配合返夏威夷熱情開心既主題，而且仲可以試下夏威夷常見既cocktail，對我地來講係幾新奇特別。不過講到最特別既係呢度d staff，頭先都有提到佢地係好熱情。佢地似係顧客覺得開心難忘，同顧客既關係似係朋友，而唔係為左賺錢。食飯過程中係會不停地同你交流同分享自己既事，傾傾下開心又會一齊飲酒，成個感覺好high好歡樂。