世家意大利餐廳 (已結業)

同朋友慶祝生日，四個人想去銅鑼灣搵意大利菜食先至發覺原來意大利菜係銅鑼已經冇乜選擇。上網見到Segafredo係銅鑼灣開咗旗艦店膽粗粗去試一試呢間意大利嘅Starbucks意大利菜究竟得唔得。Book咗7：30pm，可能新開，平日一至五唔係好多人。我哋一開波就叫咗個cold cut share，有啲風乾牛肉+pama ham。之後再叫多兩個湯share。蘑菇湯印象好深刻，應該係新鮮磨菇即磨做湯，所以味道特別濃郁。Main course就叫咗兩個pasta + 一個pizza + 一個牛面肉。Pasta + pizza 方面滿足到我哋對意大利菜嘅渴求又唔使去啲連鎖式意大利餐廳食啲不倫不類嘅意粉。牛面肉煮得恰到好處，所以呢一餐我哋都非常滿意。整體嚟講係銅鑼灣食飯三五知己聚餐係一個四粒星選擇！