The Grill Room (The L. Square) (已搬遷) 新店位置

臨近聖誕節，飯局越來越多。上個週末就相約好耐無見既中學同學到銅鑼灣食飯。咁啱見到最近經Sevenrooms book 訂枱可享有折扣優惠，就book了The Grill Room。一入内餐廳節日氣氛濃厚，到處都喺聖誕彩帶；食飯途中都聽到唔少嘅聖誕歌曲，當日到訪仲見到有客人慶祝生日添。雖然知道餐廳牛肉更加有名，但由於我同朋友都不太好牛肉，所以點了其他肉類主菜。<新鮮黑松露巴馬火腿配露筍溫泉蛋沙律> $98黑松露香氣突出，配搭半流心溫泉蛋同埋鹹香巴馬火腿，口感豐富，凍露筍清脆爽口。<香煎北海道帶子龍蝦汁扁意粉配三文魚籽> $208意粉彈牙掛汁，濃郁龍蝦汁mix充滿口感嘅三文魚籽，意粉共有三大粒帶子，厚身嫩滑。<葡式香辣燒春雞配黑松露薯條沙律> $238燒春雞份量頗多，不夠某些位置肉質稍微有啲韌，但瑕不掩瑜，外皮香脆，食得出雞肉醃得入味，微微辣幾開胃。黑松露薯條長條厚身，外脆內軟。<78%朱古力心太軟> $88心太軟其貌不揚，切開流心效果非常明顯，心太軟擺咗一陣入面都仲係暖暖地，不過75%朱古力都喺偏甜，再苦啲會更好。