Nafafa Thai Cuisine & Lounge (已結業)

再次來到銅鑼灣樓上精緻泰國餐廳。環境同食物都保持水準，價錢算平易近人。🥢NAFAFA 冬陰功湯冬陰公湯夠濃味，最鍾意唔係太酸。另外，因為加入咗椰漿去煮，口感更棉滑。其實入面好多料，有大蝦、菇菌類、香茅和檸檬葉等等，都幾入味～🥢炸蝦餅炸蝦餅入口好酥脆，入面既蝦滑好爽彈🥢黃咖喱炒蝦是晚最愛之選。一上碟被香濃的咖喱味籠罩住，咖喱加入咗辣椒膏、咖喱粉、雞蛋和椰奶和原飯大蝦去炒，每啖蝦肉都滲滿濃厚嘅汁，惹味好食！如圖所示，大蝦半隻手掌咁大，爆膏嘅蝦頭配上彈滑嘅蝦肉，味道好正宗～🥢大蝦炒金邊粉泰國菜必點嘅菜式，金邊粉炒得好乾身好香口，再撈埋旁邊的花生碎同青檸汁，都係非常正宗～🥢椰香芒果糯米飯芒果超甜，配埋軟糯既三色糯米飯，每啖都淋滿香甜既椰漿，好Q彈好美味！