尚鮮海鮮料理 (已結業)

今日喺銅鑼灣放工，就去咗附近嘅百樂中心嗰度搵嘢食，朋友話想食火鍋，我地就嚟咗呢間餐廳啦！一入去，地方雖然唔算大，但係啲座位都好闊落。今日天氣已經有少少熱，再加上打邊爐就梗係要飲凍冰冰嘅啤酒啦，原來呢間餐廳做緊promotion，啤酒逢星期一就買一送一，如此類推，星期日就買七送七！見到promotion咁抵，我哋即刻order番啲啤酒先！多口一問仲有冇其他優惠，店員話除左啤酒優惠，仲有生日優惠架。慶祝生日會有各種優惠，可以打電話book位時問下。另外，如果人數夠多，仲可以book房。-店員之後就介紹左啲湯底，今日我哋就揀咗一個清湯、一個麻辣火鍋湯底:個麻辣火鍋湯底好吸引呀！麻辣湯麻而不太辣，怕辣嘅朋友都食到。-泰式生蝦:生蝦配上辣椒、蒜片、鹹檸檬，食落蝦肉爽口，配上以上各種調味料，更加惹味。-百花釀油條:油炸鬼釀入蝦膠，再炸脆，熱辣辣又彈牙，感覺新鮮👍🏻-特尚手切牛:牛肉油花豐富，肉味十足👍🏻用上雙飛嘅切法，令牛肉快熟得尼又有口感，灼一灼就食得，正呀！牛肉份量唔少，好滿足呀！-四色丸尚盛:每種丸都有特色，例如:牛丸入面有鹹蛋黃; 豬肉丸入面有黑松露。平凡嘅丸，原來都可以不平凡。五味豚拼盤